റിയാദ്: കേളി കലാസാംസ്കാരിക വേദി ബത്ഹ ഏരിയ, ഹനാദി അല് ഹര്ബി കോണ്ട്രാക്ടിങ് കമ്പനിയുടെ സഹകരണത്തോടെ നോര്ക്ക ഐഡി, നോര്ക്ക കെയര് രജിസ്ട്രേഷന് ക്യാമ്പ് സംഘടിപ്പിച്ചു. ഒക്ടോബര് 17 വെള്ളിയായ്ഴ്ച ബത്ഹ ലൂഹ ഹാളില് രാവിലെ 9 മണി മുതല് വൈകുന്നേരം 7 മണി വരെ നടന്ന ക്യാമ്പില് നിരവധി മലയാളികള് പങ്കെടുത്തു. റിയാദിലേയും പരിസര പ്രദേശങ്ങളിലേയും മുഴുവന് മലയാളികള്ക്കും നോര്ക്ക ഐഡി ലഭ്യമാക്കി അവര്ക്ക് നോര്ക്ക കെയര് ഇന്ഷുറന്സ് പദ്ധതിയുടെ സംരക്ഷണം ലഭ്യമാക്കുക എന്ന ലക്ഷ്യത്തോടെയാണ് ക്യാമ്പ് സംഘടിപ്പിച്ചത്.
സാധാരണക്കാരായ പ്രവാസികള്ക്ക് ക്യാമ്പ് വളരെയധികം ഉപകാരപ്രദമായെന്ന് ക്യാമ്പില് പങ്കെടുത്തവര് സാക്ഷ്യപ്പെടുത്തി. കേളി കേന്ദ്ര കമ്മറ്റി അംഗം ബിജു തായമ്പത്ത്, ജ്യോതീഷ് കോറോത്ത്, ഹുസ്സൈന് പി എ, മൂസ കൊമ്പന്, ദീപ, അനസ്, ജയകുമാര് പുഴക്കല് അരുണ്, സുധീഷ് തറോല്, സൗബീഷ് കള്ളിയില്, രാജേഷ് ചാലിയാര്, ഫൈസല് അലയാന്, ഷഫീഖ് ആലുക്കല്, മന്സൂര് അലി തുടങ്ങിയവര് രജിസ്ട്രേഷന് പ്രവര്ത്തനങ്ങള് നടത്തി. കേളി മുഖ്യ രക്ഷാധികാരി സമിതി അംഗം ഫിറോഷ് തയ്യില് ,പ്രഭാകരന് കണ്ടോന്താര്, കേളി കേന്ദ്രകമ്മറ്റി അംഗം രാമകൃഷണന് , കേളി ബത്ഹ രക്ഷാധികാരി സെക്രട്ടറി മോഹന്ദാസ് , മര്ഗ്ഗബ് രക്ഷാധികാരി ആക്ടിങ് സെക്രട്ടറി അനില് അറക്കല് , ഏരിയ ആക്ടിങ് സെക്രട്ടറി ഫക്രുദ്ദീന് മമ്പാട്, ഏരിയ ട്രഷറര് സലിം മടവൂര് , ബത്ഹ രക്ഷാധികാരി സമിതി അംഗങ്ങളായ ഉമ്മര് , തങ്കച്ചന് , ഇസ്മായില് കൊടിഞ്ഞി , മര്ഗ്ഗബ് രക്ഷാധികാരി സമിതി അംഗം വിനോദ് ,ഏരിയ കമ്മിറ്റി അംഗം സലിം അംലാദ് തുടങ്ങിയവര് ക്യാമ്പിന് നേതൃത്വം നല്കി. ബത്ഹ ഏരിയയിലേയും, മറ്റ് ഏരിയകളിലേയും അംഗങ്ങള്ക്കൊപ്പം , പൊതു സമൂഹത്തില് നിന്നും നിരവധി മലയാളികളും ക്യാമ്പ് പ്രയോജനപ്പെടുത്തി.
Related News
