തായിഫ്്: സൗദി അറേബ്യയിലെ തായിഫില് പക്ഷാഘാതത്തെ തുടര്ന്ന് ചികിത്സയിലായിരുന്ന ഒഡീഷ കട്ടക്ക് സ്വദേശി മുംതജ് ഖാന് (57) മരണപ്പെട്ടു.
തായിഫ് സനാഇയ്യയില് കഴിഞ്ഞ 20 വര്ഷമായി അപ്പോളിസ്റ്ററി ജോലികള് ചെയ്ത് വരികയായിരുന്നു അദ്ദേഹം. കഴിഞ്ഞ ദിവസമുണ്ടായ പക്ഷാഘാതത്തെ തുടര്ന്ന്
തായിഫ് കിംഗ് ഫൈസല് ഹോസ്പിറ്റലില് ചികിത്സയിലിരിക്കെയാണ് മരണം.
മരണാനന്തര നിയമനടപടികള് പൂര്ത്തിയാക്കി മൃതദേഹം തായിഫില് തന്നെ സംസ്കരിക്കും. നാട്ടുകാരനും സുഹൃത്തുമായ ശൈഖ് മുഖ്താര് അലിയുടെ പേരില് ബന്ധുക്കള് നല്കിയ പവര് ഓഫ് അറ്റോണി പ്രകാരം ത്വായിഫ് കെ.എം.സി.സി സെന്ട്രല് കമ്മിറ്റി പ്രസിഡണ്ട് നാലകത്ത് മുഹമ്മദ് സാലിഹാണ് നിയമപരമായ കാര്യങ്ങള് പൂര്ത്തിയാക്കിയത്.
Related News
