ജിസാന് : ജിസാന് ഇന്ത്യന് ഇസ്ലാഹി സെന്ററിന്റെ നേതൃത്വത്തില് ഫാമിലി മീറ്റ് സംഘടിപ്പിച്ചു. ജീവിതം ലക്ഷ്യവും, ദൗത്യവും എന്ന വിഷയത്തില് പ്രമുഖ പണ്ഡിതനും ജാമിഅ അല് ഹിന്ദ് അല് ഇസ്ലാമിയ ഡയറക്ടറുമായ ഫൈസല് മൗലവി മുഖ്യ പ്രഭാഷണം നിര്വഹിച്ചു. ഒരു മനുഷ്യന്റെ സുപ്രധാനമായ ലക്ഷ്യം തൗഹീദില് അടിയുറച്ച ജീവിതമാണ്. ജീവിതത്തില് അങ്ങോളം ശിര്ക്ക് കലരാതെ , പ്രവാചകന്റെ സുന്നത്തുകള് മുറുകെ പിടിച്ചു ജീവിതം മുന്നോട്ടു നായിക്കണമെന്നും അദ്ദേഹം സൂചിപ്പിച്ചു.
ജിസാന് തമറിന്ന്ത് ഹോട്ടല് ഓഡിറ്റോറിയത്തില് നടന്ന സംഗമത്തില് ഇസ്ലാഹി സെന്റര് സെക്രട്ടറി ഷംസീര് സ്വലാഹി സ്വാഗതവും പ്രസിഡന്റ് സാദിഖ് മാസ്റ്റര് മങ്കട അധ്യക്ഷതയും വഹിച്ചു. സുഫിയാന് ഫൈസല് ആമുഖ പ്രഭാഷണം നിര്വഹിച്ചു.
ഹിജാബ് വിലക്കേര്പ്പെടുത്തിയ സംഭവം മതനിരപേക്ഷ സമൂഹത്തിനു യോജിക്കാത്തതും ഭരണഘടന പൗരന് നല്കുന്ന മൗലികാവകാശ ലഘനവുമാണെന്നു സംഗമം അഭിപ്രായപ്പെട്ടു.
കുടുംബ സംഗമത്തോടാനുബന്ധിച്ചു കുട്ടികള്ക്ക് നടത്തിയ കളറിംഗ് മല്സരത്തില് ജൂനിയര് വിഭാഗത്തില് സെല്ല അഫ്നാന്, ഹംദാ ഫാത്തിമ,ഫാത്തിമ ഇസ്മയില് എന്നിവരും സബ് ജൂനിയര് വിഭാഗത്തില് ഫാത്തിമ റിദ, സ്വാലിഹ് നൗഷാദ്, ഹൈസിന് മുഹമ്മദ് എന്നിവരും ആദ്യ മൂന്ന് സ്ഥാനങ്ങള് കരസ്ഥമാക്കി. വിജയികള്ക്കുള്ള സമ്മാനം നൗഷാദ് മുക്കം നല്കി.
സുല്ഫിക്കറലി, ജമാല് പത്തപ്പിരിയം, ആയത്തുള്ള മുഹമ്മദ്, ശിഹാബ് അയനിക്കോഡ്, അബ്ദുല് റസാക്ക് വാഴക്കാട്, സഫീര് മുക്കം എന്നിവര് വിവിധ പരിപാടികള്ക്ക് നേതൃത്വം നല്കി.
Related News
