ജിസാന് : 32 വര്ഷത്തെ പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന സാമൂഹിക പ്രവര്ത്തകന് വെന്നിയൂര് ദേവന് ഐ.സി.എഫ് ജിസാന് റീജണല് കമ്മിറ്റി യാത്രയയപ്പ് നല്കി. ജിസാനിലെ പ്രവാസികള്ക്കിടയില് മാതൃകാപരമായ ജീവകാരുണ്യ പ്രവര്ത്തനങ്ങള്ക്ക് നേതൃത്വം നല്കിയ സൗമ്യനായ പൊതുപ്രവര്ത്തകനായിരുന്നു വെന്നിയൂര് ദേവനെന്ന് യാത്രയയപ്പ് ചടങ്ങില് സംസാരിച്ചവര് അഭിപ്രായപെട്ടു. വ്യത്യസ്ത മേഖലകളില് പ്രവര്ത്തിക്കുമ്പോഴും പരസ്പര ബഹുമാനത്തോടെയും സഹകരണത്തോടെയും പ്രവാസികള്ക്ക് വേണ്ടി ഒരുമിച്ച് പ്രവര്ത്തിക്കാനും ഒട്ടേറെ പ്രവാസികള്ക്ക് സഹായമെത്തിക്കാനും ദേവന് കഴിഞ്ഞതായി യോഗം അനുസ്മരിച്ചു.
യാത്രയയപ്പ് യോഗത്തില് ഐസിഎഫ് ജിസാന് റീജന് ഡെപ്യൂട്ടി പ്രസിഡന്റ് അബ്ദുല്ല സുഹ്രി അധ്യക്ഷത വഹിച്ചു. ഐ.സി.എസ് വെസ്റ്റ് ചാപ്റ്റര് ഫിനാന്സ് സെക്രട്ടറി മുഹമ്മദ് സ്വാലിഹ് കാസര്ഗോഡ് ഉദ്ഘാടനം ചെയ്തു. മുസ്തഫ സഅദി ക്ലാരി സന്ദേശം നല്കി. റീജിയന് പ്രസിഡന്റ് താഹ കിണാശ്ശേരി, സുഹൈല് സഖാഫി, നാസര് കല്ലായി, ഹാരിസ് പട്ല, റഫീഖ് കരിങ്കല്ലത്താണി, സലിം ഒമാനൂര് എന്നിവര് ദേവന് ആശംസാ ഫലകം കൈമാറി. വെന്നിയൂര് ദേവന് മറുപടി പ്രസംഗം നടത്തി. അനസ് ജൗഹരി തിരുവനന്തപുരം സ്വാഗതവും നൗഫല് വള്ളിക്കുന്ന് നന്ദിയും പറഞ്ഞു.
Related News
