സൗദി ദേശീയ ഓര്‍ക്കസ്ട്ര മാസ്റ്റര്‍ പീസസുമായി വീണ്ടും വേദിയിലെത്തുന്നു

റിയാദ്: സൗദി ദേശീയ ഓര്‍ക്കസ്ട്രയുടെ മാസ്റ്റര്‍ പീസസ് വീണ്ടും അരങ്ങിലെത്തുന്നു. സാംസ്‌കാരിക മന്ത്രിയും സംഗീത കമ്മീഷന്‍ ചെയര്‍മാനുമായ അമീര്‍ ബദര്‍ ബിന്‍ അബ്ദുള്ള ബിന്‍ ഫര്‍ഹാന്റെ നേതൃത്വത്തില്‍ സൗദി ഓര്‍ക്കസ്ട്ര മാസ്റ്റര്‍ പീസ് സംഗീത കച്ചേരിയുടെ രണ്ടാം പതിപ്പിനാണ് റിയാദ് വേദിയാകുന്നത്. നവംബര്‍ 13 വ്യാഴാഴ്ച മുതല്‍ തുടര്‍ച്ചയായ രണ്ടു ദിവസങ്ങളിലായി കിംഗ് ഫഹദ് കള്‍ച്ചറല്‍ സെന്ററില്‍ ആണ് പരിപാടി അരങ്ങേറുക.

റിയാദ്: സൗദി അറേബ്യയില്‍ വിനോദസഞ്ചാര രംഗത്ത് സ്വദേശിവല്‍ക്കരണം ശക്തമാക്കിയിട്ടുണ്ടെങ്കിലും ഇപ്പോഴും 75.2% ജീവനക്കാരും വിദേശികളാണ്. 24.8 ശതമാനം സ്വദേശികള്‍ മാത്രമാണ് ഈ രംഗത്ത് ഇപ്പോള്‍ പ്രവര്‍ത്തിക്കുന്നതെന്ന് കണക്കുകള്‍ സൂചിപ്പിക്കുന്നു. ജീവനക്കാരുടെ എണ്ണത്തില്‍ മൊത്തത്തില്‍ വര്‍ദ്ധനവ് ഉണ്ടായിട്ടുണ്ട് കഴിഞ്ഞ വര്‍ഷത്തെ അപേക്ഷിച്ച് ഈ കൊല്ലം ടൂറിസം മേഖല ജീവനക്കാരുടെ എണ്ണം 4% ആണ് വര്‍ദ്ധിച്ചത്.


ബിനാമി ഇടപാടില്‍ പ്രവാസിക്ക് തടവ് ശിക്ഷ

ബുറൈദ: ബിനാമി ബിസിനസ് നടത്തിയ കേസില്‍ കോടതി കുറ്റക്കാരനായി വിധിച്ച പ്രവാസിക്ക് തടവ് ശിക്ഷ. ബംഗ്ലാദേശുകാരനായ പ്രതിക്ക് ആറുമാസത്തെ തടവ് ശിക്ഷയാണ് അപ്പീല്‍ കോടതി വിധിച്ചത്. നിക്ഷേപക ലൈസന്‍സ് നേടാതെ സ്ഥാപനം നടത്തിവരുന്നതിനിടെ വാണിജ്യ മന്ത്രാലയം നടത്തിയ പരിശോധനയിലാണ് ഇയാള്‍ പിടിക്കപ്പെട്ടത്.