ഷാര്ജ: മാതൃകാപരമായ സാമൂഹിക സേവന പ്രവര്ത്തനങ്ങള് മുന്നിര്ത്തി ഷാര്ജ ഇന്ത്യന് അസോസിയേഷനെ ഷാര്ജ പോലീസ് ആദരിച്ചു. പോലീസ് ആസ്ഥാനത്ത് നടന്ന ചടങ്ങില്, ഷാര്ജ ജനറല് കമാന്ഡര് ഇന് ചീഫ് അബ്ദുല്ല മുബാറക് ബിന് ആമിര്, അസോസിയേഷന് പ്രസിഡന്റ് നിസാര് തളങ്കരയ്ക്ക് പുരസ്കാരം സമ്മാനിച്ചു.
ഷാര്ജ ഇന്ത്യന് അസോസിയേഷന് നടത്തുന്ന സേവന പ്രവര്ത്തനങ്ങള് നിസ്വാര്ത്ഥവും കാര്യക്ഷമവുമാണ് എന്ന് അബ്ദുല്ല മുബാറക് ബിന് ആമിര് അഭിപ്രായപ്പെട്ടു. ഷാര്ജ പോലീസിന്റെ ഈ ആദരം കൂട്ടായ പ്രവര്ത്തനങ്ങള്ക്കുള്ള അംഗീകാരമാണ് എന്ന് പുരസ്കാരം ഏറ്റുവാങ്ങിയ ശേഷം നിസാര് തളങ്കര പറഞ്ഞു. മാനേജ്മെന്റ് കമ്മിറ്റിക്കും എല്ലാ അംഗങ്ങള്ക്കും, ഇന്ത്യന് സമൂഹത്തിനുതന്നെ അഭിമാനകരമായ നേട്ടമാണിതെന്നും അദ്ദേഹം കൂട്ടിച്ചേര്ത്തു.
Related News
