കൊച്ചി : ഡൽഹിയിൽ നിന്ന് ഇന്ന് വെളുപ്പിന് 5 മണിക്ക് കൊച്ചിയിലേക്ക് പുറപ്പെടേണ്ടിയിരുന്ന ഇൻഡിഗോ വിമാനം സാങ്കേതിക തകരാൻ മൂലം റദ്ദാക്കി. മുഴുവൻ യാത്രക്കാരെയും മൂന്നര മണിക്കൂറിന് ശേഷം 8.45 ന് മറ്റൊരു വിമാനത്തിൽ 11.50ന് കൊച്ചിയിൽ എത്തിച്ചു. മൂന്ന് വട്ടം ടേക്ക് ഓഫീന് ശ്രമിച്ചെങ്കിലും സാധിച്ചില്ല. മൂന്നാം വട്ടം ടേക്ക് ഓഫീന് ശ്രമിക്കുമ്പോഴാണ് പൈലറ്റ് സാങ്കേതിക തകരാൻ കണ്ടെത്തിയത്. എഞ്ചിനീയർമാർ ശ്രമിച്ചെങ്കിലും തകരാർ പരിഹരിക്കാനായില്ല.

യാത്രക്കാർ വെളുപ്പിന് 3 മണിക്ക് എയർപോർട്ടിൽ എത്തിയവരായിരുന്നു. രോഗികളും മരുന്ന് കഴിക്കേണ്ടിയിരുന്നവരും വിമാനത്തിൽ ഉണ്ടായിരുന്നു. യാത്രക്കാർ ആവശ്യപ്പെട്ടതിനെ തുടർന്ന് ലഘു ഭക്ഷണം നൽകി. 200ഓളം പേർ വിമാനത്തിൽ ഉണ്ടായിരുന്നു.