മസ്കത്ത്: ഗള്ഫാര് ഗ്രൂപ്പ് സാരഥിയായ പ്രമുഖ പ്രവാസി വ്യവസായി ഡോ. പി. മുഹമ്മദാലിയെ ഒമാനിലെ നാഷനല് യൂനിവേഴ്സിറ്റി ഓഫ് സയന്സ് ആന്റ് ടെക്നോളജിയുടെ ചാന്സലര് ആയി തെരഞ്ഞെടുത്തു. യൂനിവേഴ്സിറ്റി ഡയറക്ടര്മാരുടെ യോഗത്തിലായികുന്നു തെരഞ്ഞെടുപ്പ്.
യൂനിവേഴ്സിറ്റിയുടെ പ്രഥമ ചാന്സലര് ആയിരുന്ന ഡോ. ഷെയ്ഖ് സാലിം അല് ഫന്നാഹ് അല് അമിയുടെ നിര്യാണത്തെ തുടര്ന്നുണ്ടായ ഒഴിവിലേക്കാണ് പുതിയ ചാന്സലറെ നിയമിച്ചത്. ഒമാനിലെ പ്രശസ്തമായ ഗള്ഫാര് വ്യവസായ ശൃംഖല കൂടാതെ ഇന്ത്യയിലും വിദേശത്തും നിരവധി സ്ഥാപനങ്ങളുടെ വളര്ച്ചയില് സ്തുത്യര്ഹമായ തേതൃത്വം നല്കിയ ഡോ. പി. മുഹമ്മദാലി വിദ്യാഭ്യാസ സാമൂഹ്യ സേവനരംഗത്തും വ്യക്തിമുദ്ര പതിപ്പിച്ചയാളാണ്.
ഒമാനിലെ യൂനിവേഴ്സിറ്റികളില് ഗുണമേന്മക്ക് ദേശിയ അംഗീകാരം ലഭിച്ച നാഷനല് യൂനിവേഴ്സിറ്റിയില് മെഡിസിന്, ഫാര്മസി, എന്ജിനീയറിങ്, ടെക്നോളജി, ആര്ട്ടിഫിഷ്യല് ഇന്റലിജന്റ്സ്, മറൈന് സ്റ്റഡീസ് എന്നീ മേഖലകളില് അന്താരാഷ്ട്ര നിലവാരമുള്ള പാഠ്യ പദ്ധതികളാണുള്ളത്.
Related News
