റിയാദ്: ടാര്‍ഗറ്റ് ഗ്ലോബല്‍ അക്കാദമി സംഘടിപ്പിക്കുന്ന 'ടാലന്റ് ഹണ്ട് സീസണ്‍ 3' എന്ന വാര്‍ഷിക സ്‌കോളര്‍ഷിപ്പ് പരീക്ഷയുടെ രജിസ്ട്രേഷന്‍ ആരംഭിച്ചു. പരീക്ഷ 2025 നവംബര്‍ 22, ശനിയാഴ്ച അല്‍ യാസ്മിന്‍ ഇന്റര്‍നാഷണല്‍ സ്‌കൂളില്‍ വെച്ചാണ് നടക്കുന്നത്.

7 മുതല്‍ 12 തരം വരെയുള്ള വിദ്യാര്‍ത്ഥികള്‍ക്ക് പങ്കെടുക്കാവുന്ന ഈ മത്സരത്തില്‍ ജൂനിയര്‍, സീനിയര്‍ വിഭാഗങ്ങളായി പരീക്ഷ നടത്തും. വിദ്യാര്‍ത്ഥികള്‍ക്ക് NEET/JEE പോലുള്ള മത്സരപരീക്ഷാനുഭവം നല്‍കുന്ന MCQ അടിസ്ഥാനത്തിലുള്ള പരീക്ഷയാണ് ഇത്.

ഓരോ വിഭാഗത്തിലും ആദ്യത്തെ മൂന്ന് റാങ്ക് നേടുന്ന വിദ്യാര്‍ത്ഥികള്‍ക്ക് ലാപ്ടോപ്പ്, ടാബ്, സ്മാര്‍ട്ട് വാച്ച് പോലുള്ള ആകര്‍ഷക സമ്മാനങ്ങളും NEET/JEE എന്‍ട്രന്‍സ് പരീക്ഷ പരിശീലനത്തിന് 100% കോച്ചിംഗ് ഫീസ് സ്‌കോളര്‍ഷിപ്പും ലഭിക്കും. കൂടാതെ, ഓരോ വിഭാഗത്തിലും 100-ാം റാങ്ക് വരെയുള്ള വിദ്യാര്‍ത്ഥികള്‍ക്ക് വിവിധ സ്‌കോളര്‍ഷിപ്പുകള്‍ ലഭിക്കും. രജിസ്ട്രേഷന്‍ സൗജന്യമാണ്. പരീക്ഷയുടെ സിലബസും മുന്‍ വര്‍ഷ ചോദ്യപേപ്പറുകളും വെബ്‌സൈറ്റില്‍ ലഭ്യമാണ്.

കഴിഞ്ഞ വര്‍ഷം 500-ലധികം വിദ്യാര്‍ത്ഥികള്‍ പങ്കെടുത്ത ടാലന്റ് ഹണ്ട് പരീക്ഷയ്ക്ക് ഈ വര്‍ഷം 1000-ല്‍ മുകളില്‍ രജിസ്ട്രേഷനുകള്‍ പ്രതീക്ഷിക്കുന്നതായി സംഘാടകര്‍ അറിയിച്ചു. രജിസ്ട്രേഷന്‍ നടത്താവുന്ന അവസാന തീയതി 2025 നവംബര്‍ 18 ആണ്. ഫലം ഡിസംബര്‍ 1-ന് പ്രഖ്യാപിക്കും. രജിസ്‌ട്രേഷന് വേണ്ടി www.targetglobalacademy.com എന്ന വെബ്‌സൈറ്റ് സന്ദര്‍ശിക്കുക. കൂടുതല്‍ വിവരങ്ങള്‍ക്കായി 0595332045 എന്ന നമ്പറില്‍ ബന്ധപെടുക.