ദമാം: പ്രഭാത സവാരിക്കിടെ കുഴഞ്ഞ് വീണ് തിരുവനന്തപുരം സ്വദേശി അല്ഖോബാറില് മരിച്ചു. തിരുവനന്തപുരം നെയ്യാറ്റിന്കര കാരക്കോണം സ്വദേശി ജെ. അരുണ് കുമാര് (48) ആണ് മരിച്ചത്. അടുത്ത ആഴ്ച നടത്തുന്ന മിനി മാരത്തണില് പങ്കെടുക്കുന്നതിനായി അല് ഖോബാര് കോര്ണിഷില് സഹപ്രവര്ത്തകരൊടൊപ്പം പരിശീലനത്തിന് മുന്നോടിയായുള്ള നടത്തത്തിനിടെ കുഴഞ്ഞു വീഴുകയായിരുന്നു. ഉടന്തന്നെ തൊട്ടടുത്തുള്ള അല്ഖോബാര് അല്മന ആശുപത്രിയിലെ അടിയന്തിര വിഭാഗത്തിലെത്തിച്ചു ചികിത്സ നല്കിയെങ്കിലും ഹൃദയാഘാതം മൂലം മരണം സംഭവിക്കുകയായിരുന്നു. എല് ആന്ഡ് ടി കമ്പനിയുടെ അക്കൗണ്ട്സ് വിഭാഗം ജീവനക്കാരനായിരുന്നു.
ജയശങ്കര്, പരേതയായ അനന്ദവല്ലി എന്നിവരാണ് മാതാപിതാക്കള്. ഭാര്യ: ദിവ്യ. ദമാം ഇന്ത്യന് സ്കൂള് വിദ്യാര്ഥികളായ റിഷ്വന്ത്, റിഷ്മിക എന്നിവര് മക്കളാണ്. കുടുംബം ദമാമില് ഉണ്ട്. മൃതദേഹം അല്മന ആശുപത്രി മോര്ച്ചറിയില് സൂക്ഷിച്ചിരിക്കുന്നു. നിയമനടപടികള് പൂര്ത്തീകരിക്കുന്നതിനും മരണാനന്തര സഹായങ്ങള്ക്കും മൃതദേഹം നാട്ടിലെത്തിക്കുന്നതിനുമായി തിരുവനന്തപുരം പ്രവാസി അസോസിയേഷന് (ട്രിപ) ഭാരവാഹികള് രംഗത്തുണ്ട്.
Related News
