ജിദ്ദ : കേരളത്തിലെ മതപ്രബോധന രംഗത്തും വിദ്യാഭ്യാസ സാമൂഹിക സാംസ്‌കാരിക മേഖലകളിലും പ്രവര്‍ത്തിച്ചുകൊണ്ടിരിക്കുന്ന വിസ്ഡം ഇസ്ലാമിക് ഓര്‍ഗനൈസേഷന്‍ കീഴ്ഘടകമായ ജെ.ഡി.സി.സിയുടെ ഷറഫിയ്യ ഏരിയ കമ്മിറ്റിക്ക് 2026 - 2027 വര്‍ഷത്തേക്കുള്ള പ്രവര്‍ത്തനങ്ങള്‍ക്കായി പുതിയ സാരഥികളെ തെരഞ്ഞെടുത്തു. അനസ് ബിന്‍ മാലിക് സെന്റര്‍ ഓഡിറ്റോറിയത്തില്‍ ചേര്‍ന്ന പ്രവര്‍ത്തക സംഗമത്തില്‍ മുഹമ്മദ് റഫീഖ് സുല്ലമി ഉല്‍ബോധനം നടത്തി. സെന്റര്‍ കമ്മിറ്റി പ്രതിനിധി റൗനക് തെരഞ്ഞെടുപ്പ് നിയന്ത്രിച്ചു.

പുതിയ ഭാരവാഹികളായി പ്രസിഡന്റ് ഡോ. സലാഹുദ്ദീന്‍ പെരിന്തല്‍മണ്ണ, വൈസ് പ്രസിഡന്റ് ഷിയാസ് കാളികാവ്, ജനറല്‍ സെക്രട്ടറി സൗബാന്‍ മോങ്ങം വകുപ്പ് സെക്രട്ടറിമാരായി റിയാസ് തുവൂര്‍ (ദഅവ), ലിനീഷ് M (എഡ്യുക്കേഷന്‍), ജിന്‍ഷാദ് അങ്ങാടിപ്പുറം (മീഡിയ & പബ്ലിസിറ്റി), അമ്മാര്‍ N തിരൂര്‍ (ഐടി), മന്‍ഹല്‍ വെട്ടുപാറ (സോഷ്യല്‍ വെല്‍ഫെയര്‍), എന്നിവരെയും ട്രഷററായി റബീബ് കാളികാവിനെയും സെന്‍ട്രല്‍ കമ്മിറ്റി കൗണ്‍സില്‍ മെമ്പര്‍മാരായി ഡോ. അഷ്‌റഫ്, ആലി കോയ ചാലിയം എന്നിവരെയും തെരഞ്ഞെടുത്തു. 15 അംഗ പ്രവര്‍ത്തക സമിതി രൂപീകരിച്ചു. ജെ.ഡി.സി.സി ജനറല്‍ സെക്രട്ടറി ഫൈസല്‍ വാഴക്കാട് സംസാരിച്ചു. ഡോ അഷറഫ് സ്വാഗതവും പുതിയ ജനറല്‍ സെക്രട്ടറി സൗബാന്‍ നന്ദിയും പറഞ്ഞു.