ജിദ്ദ: ഹൃസ്വ സന്ദര്ശനാര്ത്ഥം ജിദ്ദയിലെത്തിയ പി.വി. അബ്ദുല് വഹാബ് രാജ്യസഭാ എം.പി.യുമായി നിയോ (NEO) ഭാരവാഹികള് സൗഹൃദ കൂടിക്കാഴ്ച നടത്തി.
കൂടിക്കാഴ്ച ജിദ്ദയിലെ സീസണ് ഹോട്ടലില് വെച്ചാണ് നടന്നത്. നിയോ പ്രസിഡന്റ് സുബൈര് വട്ടോളിയുടെ നേതൃത്വത്തില് നടന്ന ഈ കൂടിക്കാഴ്ചയില് പ്രവാസികളുമായി ബന്ധപ്പെട്ട വിവിധ വിഷയങ്ങള് ചര്ച്ചയായി. പ്രധാനമായും എസ്.ഐ.ആര്. സംബന്ധിച്ച വെല്ലുവിളികള്, പ്രവാസികള്ക്ക് വോട്ടവകാശം ഉറപ്പാക്കാനുള്ള ആവശ്യം, കൂടാതെ സീസണ് കാലത്ത് വിമാന ടിക്കറ്റ് നിരക്കുകളുടെ അമിത വര്ധന തുടങ്ങിയ വിഷയങ്ങളിലാണ് ചര്ച്ചകള്ക്ക് ഊന്നല് നല്കിയതെന്ന് ഭാരവാഹികള് അറിയിച്ചു.
ഭാരവാഹികള് എം.പിയോടു പ്രവാസികളുടെ പ്രശ്നങ്ങള് പരിഗണിച്ച് കേന്ദ്രത്തെയും സംസ്ഥാനത്തെയും സര്ക്കാരുകളുമായുള്ള ഇടപെടല് ശക്തമാക്കണമെന്ന അഭ്യര്ത്ഥനയും ഉന്നയിച്ചു. അബ്ദുല് വഹാബ് എം.പി. പ്രവാസി സമൂഹത്തിന്റെ നന്മക്കായി തനിക്ക് കഴിയുന്ന എല്ലാ പിന്തുണയും നല്കുമെന്ന് വ്യക്തമാക്കി.
പ്രവാസികളുടെ സമൂഹ്യ ഉയര്ച്ചക്കും , വിദ്യാഭ്യാസ-സാമൂഹിക പ്രവര്ത്തനങ്ങള്ക്കും നിയോ നടത്തുന്ന പ്രവര്ത്തനങ്ങളെ എം.പി. അഭിനന്ദിച്ചു.
സംഘടനയുടെ ഭാവി പദ്ധതികളും പ്രവാസി ക്ഷേമനടപടികളും സംബന്ധിച്ച് വിശദമായ അവതരണവും ഈ അവസരത്തില് നടന്നു.
കൂടിക്കാഴ്ചയില് ഭാരവാഹികളായ അനസ് നിലമ്പൂര്, ട്രഷറര് ജലീല് മൂത്തേടം, മുഖ്യ രക്ഷാധികാരി ഇണ്ണി, മുന് ട്രഷറര് സൈഫു വാഴയില്, നിസ്നു ഹുസ്സൈന് ചുള്ളിയോട്, ഫസലു മുത്തേടം, സല്മാന് വഴിക്കടവ്, റാഫി വഴിക്കടവ് , ജംഷി മുത്തേടം എന്നിവരും പങ്കെടുത്തു.
Related News
