ദുബായ്: യു.എ.ഇയുടെ വിവിധ മേഖലകളില് പൊടിക്കാറ്റു ശക്തമായതിനാല് ആരോഗ്യ സുരക്ഷയ്ക്ക് പ്രതിരോധ മാര്ഗങ്ങള് സ്വീകരിക്കണമെന്ന് എമിറേറ്റ്സ് ഹെല്ത്ത് സര്വീസസ് (ഇഎച്ച്എസ്) മുന്നറിയിപ്പു നല്കി. ശ്വസന സംബന്ധമായ അസുഖമുള്ളവര് പൊടിക്കാറ്റുള്ളപ്പോള് തുറസ്സായ സ്ഥലങ്ങളില് പോകുന്നത് ഒഴിവാക്കണം. പൊടിപടലം ചെറുക്കാന് താമസയിടങ്ങളിലെ വാതിലുകളും ജനലുകലും തുറക്കരുത് തുടങ്ങിയ മുന്നറിയിപ്പുകളുമുണ്ട്.
ശക്തമായ കാറ്റിലും ദൂരക്കാഴ്ച മങ്ങുന്ന സമയങ്ങളിലും യാത്രകള് ഒഴിവാക്കുക. പൊടിക്കാറ്റില് പുറത്തുപോകേണ്ടിവന്നാല് മാസ്ക് ധരിക്കുകയോ മൂക്കും വായയും നനഞ്ഞ തുണി കൊണ്ട് മറയ്ക്കുകയോ ചെയ്യണം. വാഹനമോടിക്കുമ്പോള് കാറിന്റെ വിന്ഡോ തുറക്കരുത്. പൊടിയില് നിന്ന് കണ്ണുകളെ സംരക്ഷിക്കുന്നതിനു കണ്ണടകള് ധരിക്കുന്നതാണ് സുരക്ഷിതം. അലര്ജി ലക്ഷണങ്ങളോ ശ്വാസതടസ്സമോ അനുഭവപ്പെട്ടാല് ഉടന് അടുത്തുള്ള ആരോഗ്യ കേന്ദ്രങ്ങളെ സമീപിക്കണം. വിട്ടുമാറാത്ത ശ്വാസകോശ സംബന്ധമായ അസുഖങ്ങള് ഉണ്ടെങ്കില് മരുന്നുകള്ക്ക് ഒപ്പം ഡോക്ടറുടെ നിര്ദേശ പ്രകാരം ഇന്ഹേലറുകള് ഉപയോഗിക്കണമെന്നും നിര്ദേശങ്ങളില് പറയുന്നു.
Related News
