ജിദ്ദ: ജിദ്ദ ഇന്ത്യന് മീഡിയ ഫോറത്തിന്റെ പുതിയ പ്രസിഡന്റായി ജലീല് കണ്ണമംഗലത്തെ (24 ന്യൂസ്) തെരഞ്ഞെടുത്തു. ഗഫൂര് കൊണ്ടോട്ടിയാണ് (മീഡിയവണ്) ജനറല് സെക്രട്ടറി. ട്രഷറര് സുല്ഫീക്കര് ഒതായി (അമൃത ന്യൂസ്). ജിദ്ദയില് ചേര്ന്ന ജനറല് ബോഡി യോഗത്തിലാണ് പുതിയ ഭാരവാഹികളെ തിരഞ്ഞെടുത്തത്.
വൈസ് പ്രസിഡന്റായി വഹീദ് സമാനേയും (ദ മലയാളം ന്യൂസ്), ജോയിന്റ് സെക്രട്ടറിയായി ഗഫൂര് മമ്പുറത്തെയും (ദേശാഭിമാനി) തെരഞ്ഞെടുത്തു. ഇബ്രാഹീം ശംനാദ് (ഗള്ഫ് മാധ്യമം) തെരഞ്ഞെടുപ്പ് നിയന്ത്രിച്ചു.
കബീര് കൊണ്ടോട്ടി (തേജസ് ന്യൂസ്) അധ്യക്ഷത വഹിച്ചു. ബിജുരാജ് രാമന്തളി (കൈരളി ടി.വി) പ്രവര്ത്തന റിപ്പോര്ട്ടും, പി.കെ സിറാജ് സാമ്പത്തിക റിപ്പോര്ട്ടും (ഗള്ഫ് മാധ്യമം) അവതരിപ്പിച്ചു. ഹസ്സന് ചെറൂപ്പ (സൗദി ഗസറ്റ്), സാദിഖലി തുവ്വൂര് (ഗള്ഫ് മാധ്യമം), സാബിത്ത് സലീം (മീഡിയവണ്), സാലിഹ് (ദ മലയാളം ന്യൂസ്) എന്നിവര് ആശംസകള് നേര്ന്നു.
Related News
