റിയാദ്: റിയാദിലെ ആദ്യകാല പ്രവാസിയും ഓട്ടോ മെക്കാനിക്കല്‍ പ്രൊപ്രൈറ്ററുമായിരുന്ന തൃശൂര്‍ പെരിഞ്ഞനം സ്വദേശി പി.എസ്. ശ്രീനിവാസന്‍ (67) നാട്ടില്‍ നിര്യാതനായി. ദീര്‍ഘകാലം റിയാദില്‍ പ്രവാസം നയിച്ച ശേഷം ഏതാനും വര്‍ഷം മുമ്പാണ് നാട്ടിലേക്ക് മടങ്ങിയത്.

റിയാദില്‍ സാമൂഹിക സാംസ്‌കാരിക രംഗത്ത് സജീവമായിരുന്നു. ഭാര്യ: ബിന്ദു. മക്കള്‍: ശ്രീ ഹാസ് ശ്രീനി (എന്‍ജിനീയര്‍, സീമെന്‍സ് സൗദി), ശ്രീഹരി ശ്രീനി (സ്റ്റെല്ലന്റിസ് ദുബായ്), ഗായത്രി (ചൈല്‍ഡ് സൈക്യാട്രിസ്റ്റ്, കാനഡ). മൂന്നു മക്കളും ഫ്രണ്ട്‌സ് ക്രിയേഷന്‍സ് കൂട്ടായ്മക്ക് കീഴിലെ കലാപരിപാടികളിലെ സജീവ സാന്നിധ്യമായിരുന്നു.