ജിദ്ദ: മലപ്പുറം ജില്ലാ കെഎംസിസി ആഹ്വാന പ്രകാരം സംഘടനയെ സജ്ജമാക്കാം തിരഞ്ഞെടുപ്പിനൊരുങ്ങാം എന്ന മുദ്രാവാഖ്യത്തില് ജിദ്ദയില് മലപ്പുറം ജില്ലയിലുള്പ്പെടുന്ന പഞ്ചായത്ത് മണ്ഡലം കമ്മിറ്റികള് നടത്തിക്കൊണ്ടിരിക്കുന്ന ത്രൈമാസ കാമ്പയിന്റെ ഭാഗമായി ജിദ്ദ മങ്കട മണ്ഡലം കെഎംസിസി 'ഒരുക്കം 2025' എന്ന പേരില് ഷറഫിയ ക്വാളിറ്റി റസ്റ്ററന്റില് സായാഹ്ന ക്യാമ്പും പൊതു സമ്മേളനവും സംഘടിപ്പിച്ചു.
മദീന റോഡ് മസ്ജിദ് സഊദ് ഇസ്ലാഹി സെന്റര് മദ്രസ വിദ്യാര്ത്ഥി ഹാഫിസ് മുഹമ്മദ് ഷീസിന്റെ ഖിറാഅത്തോടെ മണ്ഡലം പ്രസിഡന്റ് സമദ് മൂര്ക്കനാടിന്റെ അധ്യക്ഷതയില് ചേര്ന്ന പൊതുസമ്മേളനം സൗദി നാഷണല് കെഎംസിസി പ്രസിഡന്റ് കുഞ്ഞിമോന് കാക്കിയ ഉദ്ഘാടനം ചെയ്തു. ജിദ്ദ മലപ്പുറം ജില്ലാ കെഎംസിസി ജനറല് സെക്രട്ടറി നാണി ഇസ്ഹാഖ് മാസ്റ്റര് ജില്ലാ കമ്മിറ്റിക്ക് വേണ്ടി പ്രമേയം അവതരിപ്പിച്ചു.
മൂര്ക്കനാട് പഞ്ചായത്ത് വനിതാ ലീഗ് ജനറല് സെക്രട്ടറിയും ഗ്രാമ പഞ്ചായത്ത് മെമ്പറുമായ നഫ്ല ടീച്ചര് മുഖ്യ പ്രഭാഷണം നടത്തി. ജിദ്ദ മലപ്പുറം ജില്ലാ കെഎംസിസി പ്രസിഡന്റ് ഇസ്മായില് മുണ്ടുപറമ്പ്, ജിദ്ദ കെഎംസിസി സെന്ട്രല് കമ്മിറ്റി ട്രഷറര് അബ്ദുറഹിമാന് വി പി, സെക്രട്ടറി നാസര് മച്ചിങ്ങല്, ജിദ്ദ മലപ്പുറം ജില്ലാ കെഎംസിസി വൈസ്പ്രസിഡന്റ് അഷ്റഫ് മുല്ലപ്പള്ളി, ജിദ്ദ മലപ്പുറം ജില്ലാ കെഎംസിസി വനിതാ വിങ്ങ് പ്രസിഡന്റ് റംസീന തുടങ്ങിയവര് സമ്മേളനത്തിന് ആശംസകളര്പ്പിച്ചു.
വിവിധ സെഷനുകളിലായി നടന്ന സായാഹ്ന ക്യാമ്പില് ഹാഷിഫ് ഹുദവി കുന്നുംപുറം, കരീം പടിക്കമണ്ണില് തുടങ്ങിയവര് അംഗങ്ങള്ക്കായി ഉദ്ബോധന ക്ളാസുകള് നടത്തി. മണ്ഡലത്തില് നിന്നുള്ള പഞ്ചായത്ത് ഭാരവാഹികള് അവരവരുടെ പഞ്ചായത്തുകളിലെ രാഷ്ട്രീയ സ്ഥിതിഗതികള് വിശദീകരിച്ചു. മണ്ഡലം ജനറല് സെക്രട്ടറി റഷീദ് മാമ്പ്ര സ്വാഗതവും ട്രഷറര് ഢഠങ മുത്തു നന്ദിയും പറഞ്ഞു.
Related News
