ആലുവ: അവധിക്ക് നാട്ടിലെത്തിയ ജിദ്ദ പ്രവാസി മതിഷ്‌കാഘാതംമൂലം മരിച്ചു. ആലുവ തായിക്കാട്ടുകര കല്ലുങ്കല്‍ പരേതനായ കുഞ്ഞുമുഹമ്മദ് (അമ്പലപ്പാട്ട്) മകന്‍ തൗഫീഖ് രിഫായി (തവി-49) ആണ് മരിച്ചത്. ജിദ്ദയില്‍ ബിസിനസ് നടത്തി വരികയായിരുന്നു. 25 വര്‍ഷത്തോളമായി സൗദിയിലുള്ള തൗഫീഖ് നേരത്തെ ദമാമിലും ജിസാനിലും ജോലി ചെയ്തിട്ടുണ്ട്. ജിദ്ദ ആലുവ കൂട്ടായ്മയുടെ സജീവാംഗമായിരുന്നു. ഒരു മാസം മുന്‍പാണ് അവധിക്കായി നാട്ടിലെത്തിയത്.
മാതാവ്: പരേതയായ ഖദീജ. ഭാര്യ: ജിഷ. ബീന, ടിപ്പു, അബ്ദുല്‍ ജലീല്‍, കമര്‍ബാന്‍, ഖലീല്‍ ഖുറൈഷി, റജില എന്നിവര്‍ സഹോദരങ്ങളാണ്. ഖബറടക്കം ഇന്ന് (ബുധന്‍) വൈകുന്നേരം 7 മണിക്ക് തായിക്കാട്ടുകര ജമാഅത്ത് ഖബറിസ്ഥാനില്‍.