മസ്കത്ത്: അവധിക്കു ശേഷം ഒമാനിലേക്കു മടങ്ങാനിരുന്ന പ്രവാസി നാട്ടില് മരിച്ചു. പാലക്കാട്, ഒറ്റപ്പാലം-വരോട് ഓട്ടൂര്കളം തവിടങ്ങാട്ടില് പരേതനായ മാര്ക്കശേരി രാമകൃഷ്ണന് നായര് മകന് രാമചന്ദ്രന് (52) ആണ് ഹൃദയാഘാതംമൂലം മരിച്ചത്. എട്ട് വര്ഷമായി സ്വകാര്യ കമ്പനിയുടെ സൊഹാര് ബ്രാഞ്ചില് ജോലിചെയ്തു വരികയായിരുന്നു.
കഴിഞ്ഞ മാസം ലീവിനു നാട്ടില് പോയ രാമചന്ദ്രന് നവംബര് 16ന് തിരിച്ചുവരാനിരുന്നതാണ്. ഏറെനാളായി പ്രവാസിയായിരുന്ന രാമചന്ദ്രന് യുഎഇയിലും ജോലി ചെയ്തിട്ടുണ്ട്. വീട്ടില് വച്ച് ശാരീരിക അസ്വസ്ഥത സംഭവിച്ച രാമചന്ദ്രനെ വീടിനടുത്തുള്ള ആശുപത്രിയില് പ്രവേശിപ്പിച്ചിരുന്നു. തുടര്ചികിത്സക്കായി പാലക്കാട്ടെ ആശുപത്രിയിലേക്ക് കൊണ്ടുപോകും വഴിയാണ് മരണം.
അമ്മ: ശാന്തകുമാരി. ഭാര്യ: പെരുമുടിയൂര് ചീരാത്ത് ലക്ഷ്മി നിവാസില് നീതു. മക്കള് ആദര്ശ്, ആദിത്യന്, അഖില. സഹോദരങ്ങള് വേണുഗോപാല്, പ്രമീള, മാധവികുട്ടി.
Related News
