ദുബായ്: ദുബായിയുടെ ആഡംബര ലോകത്തേക്ക് ഒരു പുതിയ വിസ്മയം കൂടി. ലോകത്തിലെ ഏറ്റവും ഉയരം കൂടിയ ഹോട്ടലായി സിയല് ദുബായ് മറീന റെക്കോര്ഡ് സ്വന്തമാക്കി. 377 മീറ്റര് ആണ് ഇതിന്റെ ഉയരം. മനോഹര വാസ്തുവിദ്യയില് തീര്ത്ത ഹോട്ടലിന് 82 നിലകളാണുള്ളത്. ദുബായ് മറീനയില് സ്ഥിതി ചെയ്യുന്ന ഈ ലൈഫ്സ്റ്റൈല് ആഡംബര ഹോട്ടലില് ഇന്നു മുതല് ബുക്കിങ് സ്വീകരിച്ചു തുടങ്ങി.
സിയല് ദുബായ് അതിഥികള്ക്കായി ലോകോത്തര നിലവാരമുള്ള സൗകര്യങ്ങളാണ് ഒരുക്കിയിരിക്കുന്നത്. 800-ല് അധികം ആഡംബര മുറികള്, 8 വ്യത്യസ്ത ഡൈനിംഗ് ഡെസ്റ്റിനേഷനുകള്, 3 ഔട്ട്ഡോര് നീന്തല്ക്കുളങ്ങള്- ഇതില് ലോകത്തിലെ ഏറ്റവും ഉയരം കൂടിയ ഇന്ഫിനിറ്റി പൂളും ഉള്പ്പെടും, ആഡംബര സ്പാ, അത്യാധുനിക ജിംനേഷ്യം എന്നിവ ഹോട്ടലിന്റെ സവിശേഷതകളാണ്.
ലോകത്തിലെ ഏറ്റവും ഉയരം കൂടിയ പത്ത് ഹോട്ടലുകളില് ഏഴും സ്ഥിതി ചെയ്യുന്നത് ദുബായിലാണ് എന്നത് ഈ നഗരത്തിന്റെ വാസ്തുവിദ്യാ മികവിന് സാക്ഷ്യമാണ്. സിയല് ദുബായിക്ക് പുറമെ, ഈ റെക്കോര്ഡ് പട്ടികയില് ഗെവോറ ഹോട്ടല്, ജെഡബ്ല്യു മാരിയറ്റ് മാര്ക്വിസ്, റോസ് റെയ്ഹാന് ബൈ റൊട്ടാന,
ബുര്ജ് അല് അറബ്, ജുമൈറ എമിറേറ്റ്സ് ടവേഴ്സ് ഹോട്ടല്, ടവര് പ്ലാസ ഹോട്ടല് എന്നിവ ഉള്പ്പെടും.
Related News
