ദുബായ്: യുഎഇ ദേശീയ ദിനത്തോടനുബന്ധിച്ച് രാജ്യത്ത് പൊതു, സ്വകാര്യ മേഖലകള്ക്ക് മാനവവിഭവ ശേഷി, സ്വദേശിവത്കരണ മന്ത്രാലയം രണ്ടുദിവസത്തെ അവധി പ്രഖ്യാപിച്ചു. ഡിസംബര് ഒന്ന്, രണ്ട് തീയതികളിലാണ് പൊതുഅവധി. വാരാന്ത്യ അവധി ദിനങ്ങളായ ശനി, ഞായര് കൂടി വരുന്നതോടെ ഫലത്തില് നാല് ദിവസത്തെ അവധി ലഭിക്കും. ഷാര്ജ പോലുള്ള എമിറേറ്റുകളില് വെള്ളിയാഴ്ചയും അവധി ആയതിനാല് ഇവര്ക്ക് അഞ്ചുദിവസത്തെ അവധി ലഭിക്കും.
നാലുദിവസത്തെ അവധിക്ക് ശേഷം ഡിസംബര് മൂന്നിനായിരിക്കും ഓഫിസുകള് പ്രവര്ത്തിക്കുക. ഏഴു എമിറേറ്റുകള് ചേര്ന്ന് യുനൈറ്റഡ് അറബ് എമിറേറ്റ്സ് രൂപവത്കരിച്ചതിന്റെ ബഹുമാനാര്ഥമാണ് എല്ലാവര്ഷവും ഡിസംബര് രണ്ടിന് യു.എ.ഇ ദേശീയ ദിനമായി ആഘോഷിക്കുന്നത്. 1971 ഡിസംബര് രണ്ടിനാണ് ഏഴ് എമിറേറ്റുകള് ചേര്ന്ന് യു.എ.ഇ രൂപവത്കരിക്കുന്നത്. ദേശീയ ദിനത്തോടനുബന്ധിച്ച് അതിവിപുലമായ ആഘോഷങ്ങളും പരിപാടികളും സര്ക്കാര് പ്രഖ്യാപിച്ചിട്ടുണ്ട്.
Related News
