മസ്കത്ത്: ഒമാനി റിയാലിന് ഔദ്യോഗികമായി ഏകീകൃത ചിഹ്നം പുറത്തിറക്കി സെന്ട്രല് ബാങ്ക് ഓഫ് ഒമാന് (CBO). സുല്ത്താനേറ്റിനെ ഒരു ആഗോള സാമ്പത്തിക കേന്ദ്രമായി കൂടുതല് ഉയര്ത്താനുള്ള തന്ത്രപരമായ കാല്വെപ്പായാണ് ഈ നീക്കത്തെ കണക്കാക്കുന്നത്. സിബിഒ ഗവര്ണര് അഹമ്മദ് ബിന് ജാഫര് അല് മുസല്ലമിയാണ് പുതിയ ചിഹ്നം പ്രകാശനം ചെയ്ത വിവരം അറിയിച്ചത്. കറന്സിയെ എളുപ്പത്തില് തിരിച്ചറിയാനും അന്താരാഷ്ട്ര വിനിമയ പ്രവര്ത്തനങ്ങള് കാര്യക്ഷമമാക്കാനും ഈ ചിഹ്നം നിര്ണായക പങ്ക് വഹിക്കുമെന്ന് അദ്ദേഹം വ്യക്തമാക്കി.
പുതിയ ചിഹ്നത്തിന്റെ രൂപകല്പ്പനയില് ഒമാനി പൈതൃകത്തിന്റെയും സാംസ്കാരിക ആഴത്തിന്റെയും ശക്തമായ സ്വാധീനമുണ്ട്. ഇത് രാജ്യത്തിന്റെ ആധികാരികതയും ആധുനികതയും സമന്വയിപ്പിക്കുന്നുവെന്ന് അദ്ദേഹം പറഞ്ഞു. ഈ ചിഹ്നം ഇനി മുതല് രാജ്യത്തെ എല്ലാ ബാങ്കിംഗ് സംവിധാനങ്ങളിലും ഡിജിറ്റല് പ്ലാറ്റ്ഫോമുകളിലും സാമ്പത്തിക റിപ്പോര്ട്ടുകളിലും വാണിജ്യ ഇന്റര്ഫേസുകളിലും ദൃശ്യമാകും. ഒമാന്റെ സാമ്പത്തിക മേഖലയ്ക്ക് ഒരു പുതിയ മുഖം നല്കുന്ന സുപ്രധാനമായ ഒരു മാറ്റമാണിത്.
Related News
