മസ്ക്കത്ത്: ഒമാനിലെ അല് ആമറാത്ത് വിലായത്തിലെ അല് അത്കിയ പ്രദേശത്തുള്ള വീട്ടില് ഒരു കുടുംബത്തിലെ ആറ് പേരെ മരിച്ച നിലയില് കണ്ടെത്തി. ഭര്ത്താവും ഭാര്യയും നാലു മക്കളും അടങ്ങുന്നതാണ് കുടുംബം. ഉറക്കത്തിനിടെ കാര്ബണ് മോണോക്സൈഡ് ശ്വസിച്ചതാകാം മരണകാരണമെന്നാണ് പ്രാഥമിക റിപ്പോര്ട്ട്, സുരക്ഷാ അധികൃതര് ഇക്കാര്യം സ്ഥിരീകരിച്ചു.
മരണങ്ങളെക്കുറിച്ച് ഓപ്പറേഷന്സ് സെന്ററില് അടിയന്തര സന്ദേശം ലഭിച്ചിരുന്നു. രാത്രിയില് വാതക ചോര്ച്ചയുണ്ടായതാണ് കുടുംബത്തിന്റെ മരണത്തിന് കാരണമായതെന്നാണ് പ്രാഥമിക കണ്ടെത്തല്. സംഭവത്തിന്റെ കൃത്യമായ കാരണം കണ്ടെത്താനുള്ള അന്വേഷണങ്ങള് നടന്നുവരികയാണെന്ന് റോയല് ഒമാന്പോലീസ് എക്സ് അക്കൗണ്ടിലെ പ്രസ്താവനയില് വ്യക്തമാക്കി.
നിറമോ മണമോ ഇല്ലാത്ത വാതകമാണ് കാര്ബണ് മോണോക്സൈഡ്. തകരാറിലായ ഹീറ്ററുകള്, ശരിയായ വെന്റിലേഷന് ഇല്ലാത്ത ഉപകരണങ്ങള് എന്നിവയില് നിന്നാണ് ഇത് സാധാരണയായി പുറത്തുവരുന്നത്. ഉയര്ന്ന അളവില് ഈ വാതകം ശ്വസിക്കുന്നത് മിനിറ്റുകള്ക്കുള്ളില് മരണത്തിന് കാരണമാകും.
Related News
