തായിഫ്: 32 വര്ഷത്തെ പ്രവാസജീവിതം മതിയാക്കി നാട്ടിലേക്ക് മടങ്ങുന്ന ബഷീര് വാരിയത്തിന് അല് ഖുര്മ കെഎംസിസി യാത്രയയപ്പ് നല്കി. ഷുക്കൂര് ചങ്ങരംകുളം അധ്യക്ഷത വഹിച്ചു. സിദ്ദീഖ് മുസ്ല്യാര് തെയ്യോട്ടുചിറ ഉദ്ഘാടനം ചെയ്തു.
അല് ഖുര്മയിലുടനീളം സൗഹൃദ വലയമുള്ള മികച്ച സാമൂഹ്യ പ്രവര്ത്തകനായ ബഷീര് വാരിയത്തിനുള്ള യാത്രയയപ്പ് ചടങ്ങില് മേഖലയിലെ ഒട്ടേറെ പേര് പങ്കെടുത്തു. വിവിധ സംഘടന പ്രതിനിധികളും സുഹൃത്തുക്കളുമായ അബ്ദുല് ഖാദര് ടി.കെ, ഹസ്സന് ഹസനി, മുജീബ് ചോക്കാട്, ഹംസ ചാത്രത്തൊടി, നവാസ് സുല്ത്താനി, വിനോദ് കേയന്, ഉമ്മര് പൊന്നാനി, കുഞ്ഞാലിക്കുട്ടി മുക്കില് ആശംസ നേര്ന്നു.
ബഷീര് വാരിയത്ത് മറുപടി പ്രസംഗം നടത്തി. മാസംതോറും ലഭിക്കുന്ന വരുമാനത്തില് നിന്ന് ചെറിയൊരു സംഖ്യയെങ്കിലും സ്വന്തത്തിനായി മിച്ചം വെക്കാന് എല്ലാവരും ശ്രമിക്കണമെന്നും അത് ശിഷ്ട ജീവിതത്തില് ഉപകാരപ്പെടുമെന്നും അദ്ദേഹം ഓര്മിപ്പിച്ചു. കെഎംസിസി ഏരിയ ജനറല് സെക്രട്ടറി ഫൈസല് മാലിക് എ.ആര് നഗര് സ്വാഗതവും ട്രഷറര് സാദിഖ് ഹറമൈന് നന്ദിയും പറഞ്ഞു. റാഷിദ് പൂങ്ങോട്, ശിഹാബ് നാലുപുരക്കല്, അസീസ് ടി.കെ,എച്ച്, ഷറഫുദ്ദീന് സി.പി തുടങ്ങിയവര് നേതൃത്വം നല്കി.
ഫോട്ടോ: പ്രവാസം മതിയാക്കി നാട്ടിലേക്ക് മടങ്ങുന്ന ബഷീര് വാരിയത്തിന് കെഎംസിസിയുടെ ഉപഹാരം ഫൈസല് മാലിക് എ.ആര് നഗര് കൈമാറുന്നു.
Related News
