ജുബൈല്: കൊല്ലം കടയ്ക്കല് സ്വദേശിയായ യുവാവ് ആറുനില കെട്ടിടത്തില്നിന്ന് വീണ് മരിച്ചു. ജുബൈല് റെഡിമിക്സ് കമ്പനി സൂപ്പര്വൈസറായിരുന്ന പ്രശാന്താണ് മരിച്ചത്. താമസിക്കുന്ന കെട്ടിടത്തിന്റെ മുകളില്നിന്നാണ് വീണത്. ഞായറാഴ്ച ഉച്ചയോടെയാണ് സംഭവം. അപകടം എങ്ങനെ ഉണ്ടായതാണെന്ന് വ്യക്തമല്ല.
15 വര്ഷത്തിലേറെയായി ഈ കമ്പനിയില് ജോലി ചെയ്യുന്ന പ്രശാന്ത് നാട്ടില് പോയിട്ട് നാലു വര്ഷമായി. കഴിഞ്ഞ വര്ഷം ഭാര്യയെയും മക്കളെയും സന്ദര്ശക വിസയില് സൗദിയില് കൊണ്ടുവന്നിരുന്നു. പരേതനായ ബാബു-രമണി ദമ്പതികളുടെ മകനാണ്.
ഭാര്യ: ബിന്ദു. മക്കള്: വൈഗ, വേധ. സഹോദരങ്ങള്: നിഷാന്ത് (അല് അഹ്സ), നിഷ. ജുബൈല് ജനറല് ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം നടപടികള് പൂര്ത്തിയാക്കി നാട്ടിലേക്ക് കൊണ്ടുപോകും.
Related News
