മദീന: ഒരിക്കലും സഫലമാകില്ലെന്ന കരുതിയ സ്വപ്നം യാഥാര്ഥ്യമാകുമ്പോള് അവരുടെ കണ്ണുകളില് തിളക്കം, ഒപ്പം സ്വപ്ന സാക്ഷാത്കാരത്തിന് ഒപ്പം നിന്ന ദമാം കെ.എം.സി.സിയോട് തീരാത്ത നന്ദിയും.
ദമാം കെ.എം.സി.സി.യുടെ 'മെഴ്സി വിഷന്' പദ്ധതിയുടെ ഭാഗമായി ഉംറ നിര്വ്വഹിക്കാനെത്തിയ ഭിന്നശേഷിക്കാരായ തീര്ഥാടകര്, പുണ്യഭൂമിയെ സ്പര്ശിച്ചപ്പോള് വികാരാധീനരായി. ഇന്ന് പുലര്ച്ചെ രണ്ടു മണിയോടെ മദീന വിമാനത്താവളത്തില് എത്തിച്ചേര്ന്ന സംഘത്തെ കെ.എം.സി.സി. പ്രവര്ത്തകര് എയര്പോര്ട്ടില് സ്വീകരിച്ച് താമസിക്കാന് ഏര്പ്പെടുത്തിയ ഹോട്ടലുകളിലേക്ക് കൊണ്ടുപോയി. ഈത്തപ്പഴവും, മധുരപലഹാരങ്ങളും പൂക്കളും നല്കിയാണ് ഊഷ്മളമായ വരവേല്പ്പ് നല്കിയത്.
സഹായങ്ങള്ക്കും പരിചരണങ്ങള്ക്കുമായി മദീന കെ.എം.സി.സി. വനിതാ വിംഗ് വളണ്ടിയര്മാരും സജീവമായി രംഗത്തുണ്ടായിരുന്നു. അടുത്ത മൂന്ന് ദിവസം തീര്ത്ഥാടകര് പ്രവാചകന്റെ പള്ളിയിലും മദീന നഗരിയിലെ പ്രധാന സ്ഥലങ്ങളിലും സന്ദര്ശനം നടത്തും. പിന്നീട് ഉംറ നിര്വഹിക്കാനായി മക്കയിലേക്ക് പോകും.
മദീന കെ.എം.സി.സി. സെക്രട്ടറി അഷ്റഫ് അഴിഞ്ഞിലം, ട്രഷറര് നഫ്സല് എന്നിവര് സ്വീകരണത്തിന് നേതൃത്വം നല്കി.
Related News
