റിയാദ്: ലോകത്തിലെ ഏറ്റവും സുന്ദരന്മാരായ പുരുഷന്മാരുള്ള രാജ്യങ്ങളുടെ പുതിയ റാങ്കിംഗ് പ്രഖ്യാപിച്ച് പ്രമുഖ അമേരിക്കന് മാര്ക്കറ്റ് റിസര്ച്ച് സ്ഥാപനമായ ഇന്സൈഡര് മങ്കി രംഗത്തെത്തിയതോടെ സമൂഹമാധ്യമങ്ങളില് വന് ചര്ച്ചയ്ക്ക് വഴി തുറന്നിരിക്കുകയാണ്. ഈ ആഗോള പട്ടികയില് ഇന്ത്യ ഏഴാം സ്ഥാനവും സൗദി അറേബ്യ 11-ാം സ്ഥാനവും നേടി, അറബ് ലോകത്ത് സൗന്ദര്യത്തില് ഒന്നാം സ്ഥാനം സൗദിക്കാണ്. സൗന്ദര്യത്തിന് പേരുകേട്ട നിരവധി രാജ്യങ്ങളെ സൗദി പിന്നിലാക്കി എന്നതാണ് ശ്രദ്ധേയം.
ആഗോള പ്ലാറ്റ്ഫോമുകളില് വളരെ വേഗത്തില് പ്രചരിച്ച ഈ റാങ്കിംഗ് പ്രകാരം, സ്പെയിന് ഒന്നാം സ്ഥാനത്തും, സ്വീഡന് രണ്ടാം സ്ഥാനത്തും, ഫ്രാന്സ് മൂന്നാം സ്ഥാനത്തും എത്തി. സൗദി അറേബ്യയുടെ മുന്നേറ്റം ലോകമെമ്പാടുമുള്ള ഫോളോവേഴ്സിനിടയില് വലിയ ചര്ച്ചാ വിഷയമായി. കൗതുകം, അഭിമാനം, വിമര്ശനം എന്നിവ നിറഞ്ഞ ആയിരക്കണക്കിന് കമന്റുകളാണ് സോഷ്യല് മീഡിയയില് നിറഞ്ഞത്.
Related News
