ജിദ്ദ: മാറുന്ന കാലഘട്ടത്തിലെ വിദ്യാഭ്യാസ വെല്ലുവിളികളെ നേരിടാന് വിദ്യാര്ത്ഥികളെ പ്രാപ്തരാക്കുക എന്ന ലക്ഷ്യത്തോടെ മുഷ്രിഫ ഇമാം റാസി മദ്രസയില് വിപുലമായ കരിയര് ഗൈഡന്സ് ആന്ഡ് മോട്ടിവേഷണല് ക്ലാസ് സംഘടിപ്പിച്ചു. ചെറുപ്പത്തില് തന്നെ കൃത്യമായ ലക്ഷ്യബോധം രൂപപ്പെടുത്തിയെടുക്കാന് കുട്ടികളെ സഹായിക്കുന്നതായിരുന്നു പരിപാടി.
വെഫി കേരള സി.ഇ.ഒ റഫീഖ് മാസ്റ്റര് ചുങ്കത്തറ ക്ലാസിന് നേതൃത്വം നല്കി. കേവലമൊരു പഠന ക്ലാസിനപ്പുറം, ഓരോ കുട്ടിയുടെയും അഭിരുചികള് തിരിച്ചറിഞ്ഞ്, അവര്ക്ക് അനുയോജ്യമായ പഠനവഴികള് നിര്ദ്ദേശിക്കുന്ന രീതിയിലായിരുന്നു സെഷനുകള് ക്രമീകരിച്ചിരുന്നത്. തങ്ങളുടെ താല്പര്യങ്ങള്ക്കനുസരിച്ച് ഉന്നത വിജയത്തിലേക്ക് എങ്ങനെ എത്താമെന്ന് അദ്ദേഹം വിദ്യാര്ത്ഥികള്ക്ക് വിശദീകരിച്ചു.
നാല് വ്യത്യസ്ത സെഷനുകളിലായാണ് പരിപാടി നടന്നത്. ആണ്കുട്ടികള്ക്കും പെണ്കുട്ടികള്ക്കും വെവ്വേറെ ക്ലാസുകള് നല്കിയപ്പോള്, കിഡ്സ് വിഭാഗത്തിനായി പ്രത്യേക മോട്ടിവേഷണല് സെഷനും ഒരുക്കിയിരുന്നു. വിദ്യാര്ത്ഥികള്ക്ക് അവരുടെ സംശയങ്ങള് നേരിട്ട് ചോദിക്കാനും മറുപടി ലഭിക്കാനും അവസരമൊരുക്കിയ 'സംശയ നിവാരണ സെഷന്' (ഝ&അ) പരിപാടിയെ കൂടുതല് ആകര്ഷകമാക്കി.
മദ്രസ അധികൃതരായ ഹസ്സന് സഖാഫി, യഹ്യ ഖലീല് നൂറാനി, അബ്ദുല് ഗഫൂര് പുളിക്കല് എന്നിവര് പരിപാടിക്ക് നേതൃത്വം നല്കി.
Related News
