ജിദ്ദ: കലാലയം സാംസ്കാരിക വേദിയുടെ ആഭിമുഖ്യത്തില് ഡിസംബര് 26ന് നടക്കുന്ന പതിനഞ്ചാമത് എഡിഷന് ജിദ്ദ സിറ്റി സോണ് സാഹിത്യോത്സവ് സംഘാടക സമിതി രൂപീകരിച്ചു. ആര് എസ് സി ജിദ്ദ സിറ്റി സോണ് ഫിനാന്സ് സെക്രട്ടറി സിദ്ദീഖ് മുസ്ലിയാര് വലിയപറമ്പിന്റെ അധ്യക്ഷതയില് ചേര്ന്ന യോഗത്തില് 150 അംഗ സമിതിയാണ് നിലവില് വന്നത്. ജാബിര് നഈമി യോഗം ഉല്ഘാടനം ചെയ്തു.
പ്രവാസി വിദ്യാര്ത്ഥി-യുവജനങ്ങളുടെയും കുടുംബങ്ങളുടെയും കല, സാഹിത്യ, സാംസ്കാരിക, സര്ഗാത്മക മികവുകള് അവതരിപ്പിക്കുന്നതിനും പരിപോഷിപ്പിക്കുന്നതിനും വേണ്ടി ഗ്ലോബല് തലത്തില് നടക്കുന്ന സാഹിത്യോത്സവില് ജിദ്ദ സിറ്റി സോണ് പരിധിയിലെ മഹ്ജര്, ഷറഫിയ, ബലദ്, ബഹ്റ, സുലൈമാനിയ, ഖുമ്ര സെക്ടറുകളില് നിന്ന് വിജയികളായി ബഡ്സ്, കിഡ്സ്, പ്രൈമറി, ജൂനിയര്, സെക്കന്ററി, സീനിയര് വിഭാഗങ്ങളില് 300 പ്രതിഭകള് മത്സരിക്കും.
പതിനഞ്ചാമത് എഡിഷന് സാഹിത്യോത്സവിന്റെ ഭാഗമായി 'സ്നേഹോത്സവ്' എന്ന പേരില് വിവിധതരം കഴിവുകളുള്ള (Neurodivergence) കുട്ടികളുടെ സര്ഗ്ഗാത്മകത ലോകത്തെ പൊതുവേദികളിലേക്കെത്തിക്കാന് അവസരമൊരുക്കുന്നു. തൊഴില്പരമായ തിരക്കുകള് കാരണം പൊതുപരിപാടികളില് സജീവമാകാന് കഴിയാത്ത കലാഹൃദയങ്ങള്ക്കായി 'കലോത്സാഹം' എന്ന പേരിലും സ്ത്രീകളുടെ ചിന്തകള്ക്കും, അനുഭവങ്ങള്ക്കും പങ്കുവെക്കലുകള്ക്കുമായി 'ഒരിടത്ത്' എന്ന പേരില് വനിത സംഗമങ്ങളും നടക്കും.
ഉസ്മാന് മറ്റത്തൂര് സംഘാടക സമിതി ഭാരവാഹികളെ പ്രഖ്യാപിച്ചു. അബു മിസ്ബാഹ് ഐക്കരപ്പടി (ചെയര്മാന്), യാസര് അറഫാത് എ ആര് നഗര് (ജനറല് കണ്വീനര്). മറ്റു കണ്വീനര്മാര് ഇര്ഷാദ് കടമ്പോട്ട്, ഖലീല് കൊളപ്പുറം, സുജീര് പുത്തന്പള്ളി, സ്വാദിഖ് ചാലിയാര്, യാസര് ഇന്ത്യനൂര്, ഹനീഫ ബെര്ക്ക, ബഷീര് തൃപ്രയാര്, അബൂബകര്, റസാഖ് എടവണ്ണപ്പാറ. സംഗമത്തിന് ഷമീര് കുന്നത്ത് സ്വാഗതം ആശംസിച്ചു.
യൂണിറ്റ് തലത്തില് തുടങ്ങുന്ന മത്സരങ്ങളില് രജിസ്റ്റര് ചെയ്യാനും കൂടുതല് വിവരങ്ങള്ക്കും ബന്ധപ്പെടാവുന്ന നമ്പര്: 0597384123, 0530988545.
Related News
