ജിദ്ദ: ഐ.സി.എഫ് ജിദ്ദ വുമണ് എംപവര്മെന്റ് ഡിപ്പാര്ട്ട്മെന്റിന് കീഴില് പ്രവര്ത്തിക്കുന്ന ഹാദിയ വിമന്സ് അക്കാദമി, കോഴ്സിന്റെ പുതിയ സെമസ്റ്ററിന് തുടക്കം കുറിച്ചുകൊണ്ട് 'ഹാദിയ മുഖദ്ദിമ' ഫാമിലി ഡേ സംഘടിപ്പിച്ചു. അറിവും വിനോദവും കോര്ത്തിണക്കി സംഘടിപ്പിച്ച സംഗമത്തില് വിവിധ സെഷനുകള് നടന്നു.
ആരോഗ്യ ബോധവല്ക്കരണത്തിന്റെ ഭാഗമായി നടന്ന 'ഹെല്ത്ത് ആന്ഡ് വെല്ബീയിംഗ് ' സെഷനില് ഷിഫ ബവാദി ഹോസ്പിറ്റല് ജനറല് മെഡിസിന് വിഭാഗം ഡോ. ശെറിന് ഹമീദ് ക്ലാസെടുത്തു. പാരന്റിംഗ് സെഷന് ശരീഫ ടീച്ചര് നേതൃത്വം നല്കി.
വിദ്യാര്ത്ഥിനികള്ക്കായി 'ടീന് ഹാദിയ' എന്ന പേരില് പ്രത്യേക സെഷനുകള് നടന്നു. 'പഠനത്തിലെ മാനസിക സമ്മര്ദ്ദം എങ്ങനെ അതിജീവിക്കാം' എന്ന വിഷയത്തില് വെഫി (WEFI) കേരള സി.ഇ.ഒ റഫീഖ് മാസ്റ്റര് ചുങ്കത്തറ ക്ലാസെടുത്തു. തുടര്ന്ന് നടന്ന കുട്ടികള്ക്കായി നടന്ന 'കളിയും വിനോദവും' സെഷനില് ഫണ് ഗെയിമുകളിലൂടെ മാനസികോല്ലാസം വര്ധിപ്പിക്കുന്നതിനും, മൊബൈല് അഡിക്ഷന് കുറക്കുന്നതിനുമുള്ള വിവിധ ആക്ടിവിറ്റികള് സംഘടിപ്പിച്ചു.
നാലു വിഭാഗങ്ങളായി നടത്തിയ നടത്തിയ ചിത്രരചനാ മത്സരത്തിലെ വിജയികള്ക്കുള്ള സമ്മാനദാനവും ചടങ്ങില് നടന്നു. ഹാദിയ മാര്ക്കറ്റ്, എക്സ്പീരിയന്സ് ഷെയറിങ് എന്നിവയും പരിപാടിയുടെ ഭാഗമായി നടന്നു. സഫൂറ ഹസന്, റഹ്മത്ത് ടീച്ചര്, ഹന്നത് ടീച്ചര്, റാജിയ ടീച്ചര്, ലബീബ ടീച്ചര് ആമിന ടീച്ചര്, റഷീദ ടീച്ചര്, മുനീറ മുജീബ്, എന്നിവര് പരിപാടികള് നിയന്ത്രിച്ചു.
Related News
