മലപ്പുറം: 'ദിവ്യഗര്ഭം' ധരിപ്പിക്കാമെന്ന് വാഗ്ദാനം ചെയ്ത് യുവതിയെ ബലാത്സംഗം ചെയ്ത കേസില് യൂട്യൂബര് കൂടിയായ വ്യാജ സിദ്ധന് അറസ്റ്റില്. 'മിറാക്കിള് പാത്ത്' (Miracle Path) എന്ന യൂട്യൂബ് ചാനലിന്റെ ഉടമയും കാളികാവ് ഉദിരംപൊയില് സ്വദേശിയുമായ സജിലിനെ(36)യാണ് മലപ്പുറം കൊളത്തൂര് പോലീസ് നെടുമങ്ങാട് നിന്ന് പിടികൂടിയത്.
'താന് മഹ്ദി ഇമാം ആണെ'ന്ന് അവകാശപ്പെട്ടാണ് സജില് യൂട്യൂബ് ചാനല് നടത്തിയിരുന്നത്. ആത്മീയ കാര്യങ്ങളും അന്ധവിശ്വാസങ്ങളും പ്രചരിപ്പിക്കുന്ന ഇയാളുടെ ചാനലിന് നിരവധി ഫോളോവേഴ്സ് ഉണ്ട്.
കൊളത്തൂര് പോലീസ് സ്റ്റേഷന് പരിധിയില് വാടകയ്ക്ക് താമസിക്കുന്ന യുവതിയെ പ്രതി യൂട്യൂബ് ചാനല് വഴിയാണ് പരിചയപ്പെട്ടത്. ആഭിചാരക്രിയകള് ചെയ്യുന്ന ആളാണെന്ന് വിശ്വസിപ്പിച്ച് യുവതിയുമായി സൗഹൃദം സ്ഥാപിച്ചു. പിന്നീട് പരാതിക്കാരി താമസിക്കുന്ന ക്വാര്ട്ടേഴ്സില് അതിക്രമിച്ചു കയറി ബലാത്സംഗം ചെയ്യുകയായിരുന്നു.
യുവതി പോലീസില് പരാതി നല്കിയതോടെ സജില് നാടുവിടുകയായിരുന്നു. തുടര്ന്ന് ഒളിവില് കഴിഞ്ഞുവന്ന പ്രതിയെ നെടുമങ്ങാട് നിന്നാണ് കൊളത്തൂര് പോലീസ് അറസ്റ്റ് ചെയ്തത്.
Related News
