ബുറൈദ : സൗദി അറേബ്യയിലെ അല് ഖസീമില്, ശിശുദിനാഘോഷം സംഘടിപ്പിച്ചു. സിംഗിംഗ് സ്റ്റാര്സ് മ്യൂസിക് ബാന്റിന്റെ നേതൃത്വത്തില് കലോത്സവ് 2025 എന്ന പേരില് സംഘടിപ്പിച്ച ആഘോഷത്തില് നൂറോളം വിദ്യാര്ത്ഥി വിദ്യാര്ത്ഥിനികള് കലാപരിപാടികളുമായി വേദിയില് എത്തി. ഫ്ലവേഴ്സ് ടിവി ടോപ് സിംഗര് താരം, താരാ രഞ്ജിത്ത് മുഖ്യാതിഥി ആയിരുന്നു.
പ്ലസ് ടു, എസ് എസ് എല് സി, പരീക്ഷകളില് ഉന്നത വിജയം കരസ്ഥമാക്കിയ വിദ്യാര്ത്ഥികളെ ആദരിച്ചു. മത്സരങ്ങള് ഇല്ലാതെ വേദിയില് കലാപരിപാടികള് അവതരിപ്പിച്ച എല്ലാ കുട്ടികള്ക്കും ട്രോഫികള് വിതരണം ചെയ്തു. കുട്ടികളുടെ കലാപരിപാടികള്ക്ക് ശേഷം സിംഗിംഗ് സ്റ്റാര്സ് മ്യൂസിക് ബാന്റിന്റെ ഗാനമേളയും നടന്നു. പരിപാടികള്ക്ക് സിംഗിംഗ് സ്റ്റാര്സ് മ്യൂസിക് ബാന്ഡ് ഡയറക്ടര്, സജി ജോബ് തോമസ് നേതൃത്വം നല്കി. താര രഞ്ജിത്ത്, സജി, Dr.ലൈജു, Dr.ലാലു, ആല്ബി, റിയ, അബ്നേര് എന്നിവര് ഗാനങ്ങള് ആലപിച്ചു.
-ഇക്ബാല് പള്ളിമുക്ക്
Related News
