ജിദ്ദ: റിയാദ് കെഎംസിസി ആലപ്പുഴ ജില്ലാ കമ്മിറ്റി, 'വെനീസ് റഹ്മ' കാമ്പയിന്റെ ഭാഗമായി സംഘടിപ്പിച്ച 'സമുദായം രാഷ്ട്രീയം യുവത' എന്ന വിഷയത്തെ ആസ്പദമാക്കിയുള്ള തുറന്ന സംവാദവേദി പ്രവാസി സമൂഹത്തിന്റെ സാംസ്കാരിക-രാഷ്ട്രീയ വളര്ച്ചയ്ക്ക് പുതിയ ദിശാബോധം നല്കി. റിയാദ് ബത്തയിലെ നൂര് ഓഡിറ്റോറിയത്തില് നടന്ന പരിപാടിയില് വിവിധ സംഘടനാ നേതാക്കളും പ്രവര്ത്തകരും പങ്കെടുത്തു.
ആലപ്പുഴ ജില്ലാ രക്ഷാധികാരി ബഷീര് കൊയ്ക്കലെത്ത് അധ്യക്ഷത വഹിച്ചു. ഡല്ഹി കെഎംസിസി പ്രസിഡന്റ് മുഹമ്മദ് ഹലീം പരിപാടി ഉദ്ഘാടനം ചെയ്തു. ആലപ്പുഴ ജില്ലാ ജനറല് സെക്രട്ടറി സിയാദ് കായംകുളം സ്വാഗതം പറഞ്ഞു. സമുദായ ബോധവല്ക്കരണം, യുവജന പങ്കാളിത്തം, രാഷ്ട്രീയ അവബോധം, സംഘടനാ ശാക്തീകരണം എന്നീ വിഷയങ്ങളില് ശ്രദ്ധ കേന്ദ്രീകരിച്ച സംവാദത്തില് റിയാദിലെ പ്രവാസി മേഖലകളില് സജീവമായി പ്രവര്ത്തിക്കുന്ന നിരവധി നേതാക്കള് ആശയങ്ങള് അവതരിപ്പിച്ചു. എല്. കെ. അജിത് ജനറല് സെക്രട്ടറി, ഒ.ഐ.സി.സി. സൗദി നാഷണല് കമ്മിറ്റി, സെബിന് ഇക്ബാല്പ്രസിഡന്റ്, കേളി റിയാദ്, ഷുക്കൂര് സ്വലാഹി ഐ.എസ്.എം സംസ്ഥാന ജനറല് സെക്രട്ടറി, ജാബിര് അലി പത്തനാപുര ംസെക്രട്ടറി, ഐ.സി.എഫ്. റിയാദ്, വി. ജെ. നഷ്റുദ്ധീന്, ഇന്ത്യന് മീഡിയ ഫോറം, ബാരിഷ് ചെമ്പകശേരി പ്രസിഡന്റ്, വെല്ഫെയര് പ്രൊവിന്സ്, സത്താര് താമരത്ത് ആക്ടിങ് സെക്രട്ടറി, കെഎംസിസി റിയാദ്, ഷാഫി മാസ്റ്റര് തുവ്വൂര് , ഷുഹൈബ് പനങ്ങാങ്കര ജനറല് സെക്രട്ടറി, കെഎംസിസി റിയാദ് സെന്ട്രല് കമ്മിറ്റി എന്നിവര് ചര്ച്ചകളില് പങ്കെടുത്തു.
കേളി പ്രസിഡന്റ് സെബിന് ഇക്ബാല് അവതരിപ്പിച്ച ആശയങ്ങള് സമുദായ ഘടന, സാമൂഹിക മുന്നേറ്റം, രാഷ്ട്രീയ ശാക്തീകരണം എന്നിവ സംബന്ധിച്ച ആഴത്തിലുള്ള ചര്ച്ചകള്ക്ക് വഴി തുറന്നു. ഷുക്കൂര് സ്വലാഹി സമുദായത്തിന്റെ ആത്മീയവും സാംസ്കാരികവുമായ വളര്ച്ചയെ പ്രായോഗിക മാതൃകകള് സഹിതം വിശദമാക്കി. യുവജനങ്ങള്ക്കുള്ള വൈദഗ്ധ്യ പരിശീലനത്തിന്റെയും നേതൃത്വ ശേഷി വികസനത്തിന്റെയും പ്രാധാന്യം ചര്ച്ച ചെയ്യപ്പെട്ടു. മുന് കെഎംസിസി പ്രസിഡന്റ് അഷ്റഫ് തങ്ങള് ഉള്പ്പെടെ പ്രമുഖര് തങ്ങളുടെ പ്രവാസാനുഭവങ്ങള് പങ്കുവെച്ച് സംവാദത്തിന് കൂടുതല് മാനം നല്കി.
ചടങ്ങിനോടനുബന്ധിച്ച് 2026-ലെ റിയാദ് കെഎംസിസി കൊല്ലം ജില്ലാ കലണ്ടര് പ്രകാശനം ചെയ്തു. കൊല്ലം ജില്ലാ ജനറല് സെക്രട്ടറി റിയാസ് പുന്നല, കലണ്ടറിന്റെ ആദ്യ കോപ്പി ഇന്ത്യന് മീഡിയ ഫോറം അംഗം വി.ജെ. നസറുദ്ദീന് കൈമാറി. കൊല്ലം ജില്ലാ പ്രസിഡന്റ് അല്ത്താഫ് വട്ടപ്പാറ, ട്രഷറര് നൗഷാദ് ഉമ്മയനല്ലൂര് എന്നിവര് സന്നിഹിതരായിരുന്നു. ട്രഷറര് ഹാരിസ് താമരാക്കുളം നന്ദി പറഞ്ഞു.
Related News
