.jpg)
മക്ക: ഉംറ നിര്വഹിക്കുന്നതിനിടെ ആലുവ സ്വദേശിയായ മുന് പ്രവാസി ഹറമില് കുഴഞ്ഞുവീണ് മരിച്ചു. ആലുവ കുട്ടമശ്ശേരി ചാലക്കല് മഹല്ല് പള്ളിക്കു സമീപം താമസിക്കുന്ന പരേതനായ ചെറോടത്ത് കുഞ്ഞു മുഹമ്മദിന്റെ (നായനാര്) മകന് സലീമുദ്ദീന് (56) ആണ് മരിച്ചത്. ഭാര്യയും മക്കളുമൊരുമിച്ചാണ് ഉംറ നിര്വഹിക്കാന് പോയിരുന്നത്.
20 വര്ഷത്തോളം ജിദ്ദ ബലദില് ജോലി ചെയ്തിരുന്നു. ഏതാനും വര്ഷം മുന്പ് പ്രവാസം അവസാനിപ്പിച്ച് നാട്ടിലെത്തിയ സലീമുദ്ദീന് ബിസിനസ് നടത്തി വരികയായിരുന്നു. സാമൂഹ്യ, സാംസ്കാരിക, ജീവകാരുണ്യ രംഗത്തും സജീവമായിരുന്നു. രണ്ടു പതിറ്റാണ്ടു കാലത്തെ പ്രവാസ ജീവിത പശ്ചാത്തലത്തില് അറേബ്യന് ചരിത്രങ്ങള് ആസ്പദമാക്കി രചിച്ച 'മലനിരകള് പറഞ്ഞ പൊരുളുകള്' എന്ന നോവലിന്റെ കര്ത്താവാണ് സലീമുദ്ദീന്. ഭാര്യ റംല (ഏലൂര്). മക്കള്: മിസ്ന, മിസൈനബ്.
കെ.എം.സി.സി നാഷണല് കമ്മിറ്റി സെക്രട്ടറി നാസര് എടവനക്കാട് ഉള്പ്പെടെയുള്ള കെ.എം.സി.സി പ്രവര്ത്തകര് സഹായവുമായി രംഗത്തുണ്ട്.
Related News
