ജിദ്ദ: ദാര് അല് മജ്ദ് ഇന്റര്നാഷണല് സ്കൂളിന്റെ എട്ടാമത് വാര്ഷിക കായികമേള 'ഹെല്ത്തി ബോഡി ആന്ഡ് ഗ്രേറ്റ്ഫുള് ഹാര്ട്ട്' എന്ന പ്രമേയത്തില് വിജയകരമായി സംഘടിപ്പിച്ചു. ആരോഗ്യകരമായ ജീവിതശൈലി, വിനയം, ടീം സ്പിരിറ്റ് എന്നിവ കുട്ടികളില് പ്രോത്സാഹിപ്പിക്കുക എന്ന ലക്ഷ്യത്തോടെയാണ് ഈ കായിക ഉത്സവം അരങ്ങേറിയത്.
കിഡ്സ് പ്രൈമറി സ്കൂള് ഉടമയും സിഇഒ/കണ്സള്ട്ടന്റുമായ നൗഷീന് അഹമ്മദ് ഓപ്പണിംഗ് സെറിമണിയില് മുഖ്യാതിഥിയായി പങ്കെടുത്തു. കുട്ടികളുടെ മികച്ച പ്രകടനങ്ങളെയും അധ്യാപകരുടെ അര്പ്പണബോധത്തെയും അവര് അഭിനന്ദിച്ചു. സോഷ്യല് മീഡിയ ഇന്ഫ്ലുവന്സറായ ആയിഷ ഉറൂജ് ആദില് ആയിരുന്നു സമാപന ചടങ്ങിലെ പ്രധാന അതിഥി. അക്കാദമിക് പഠനത്തിലും പാഠ്യേതര വിഷയങ്ങളിലും (കോ-കരിക്കുലര്) മികവ് നേടാന് അവര് വിദ്യാര്ഥികളെ പ്രോത്സാഹിപ്പിച്ചു.
കുട്ടികള് അവതരിപ്പിച്ച മാര്ച്ച് പാസ്റ്റ്, മനോഹരമായ ഫ്ളാഗ് ഫോര്മേഷനുകള്, ആവേശകരമായ റിലേ പ്രകടനങ്ങള് എന്നിവ കാണികളെ ആകര്ഷിച്ചു.
ടീം വര്ക്ക്, ഏകോപനം (കോര്ഡിനേഷന്) എന്നിവക്ക് പ്രാധാന്യം നല്കുന്ന ഓക്ടോപസ് റേസ്, കാറ്റര്പില്ലര് റേസ്, റിംഗ് ബാലന്സിംഗ്, ബോള് ബാലന്സിങ് തുടങ്ങിയ രസകരമായ മത്സരങ്ങളും കായികമേളയുടെ ഭാഗമായി നടന്നു. എല്ലാ മത്സരങ്ങളിലെയും വിജയികള്ക്കുള്ള സമ്മാനങ്ങള് ക്ഷണിക്കപ്പെട്ട അതിഥികള് വിതരണം ചെയ്തു.
പ്രിന്സിപ്പാളും അക്കാദമിക് ഡയറക്ടറുമായ സല്മ ഷെയ്ഖ് കുട്ടികളുടെയും സ്റ്റാഫിന്റെയും കഠിനാധ്വാനത്തെയും പരിശ്രമത്തെയും പ്രശംസിച്ചു. ദാരൂദ് ഇബ്രാഹിമിയുടെ പ്രാര്ഥനയോടെ ആരംഭിച്ച കായികമേള, സൗദി ദേശീയഗാനാലാപനത്തോടെയും ഓര്മ്മപ്പെടുത്തുന്ന സന്ദേശത്തോടെയുമാണ് സമാപിച്ചത്.
Related News
