റിയാദ്: യോഗയുടെയും യോഗാസനയുടെയും അന്താരാഷ്ട്ര ഭരണസമിതിയായ യോഗ ഗ്ലോബല് ഫെഡറേഷന് ഔദ്യോഗികമായി പ്രവര്ത്തനം ആരംഭിച്ചു. അഞ്ച് ഭൂഖണ്ഡങ്ങളില് നിന്നുള്ള പ്രതിനിധികളും അംഗരാജ്യങ്ങളും ഫെഡറേഷന്റെ ആരംഭം അംഗീകരിക്കുന്നതിനും സ്ഥാപക നേതൃത്വത്തെ സ്ഥിരീകരിക്കുന്നതിനുമായി വെര്ച്വലായി ഒത്തുചേര്ന്നു. പുതിയ ഭരണസമിതിയെയും തെരഞ്ഞെടുത്തു.
പത്മശ്രീ പുരസ്കാര ജേതാവായ ഷൈഖ അല്-സബാഹ് (കുവൈറ്റ്) ആണ് പ്രസിഡന്റ്. അവാര്ഡ് ജേതാവായ സ്പോര്ട്സ് എക്സിക്യൂട്ടീവ് അല്വലീദ് അല്ഖൈദ് (സൗദി അറേബ്യ) സെക്രട്ടറിയായി നിയമിതനായി.
സംഘടനയുടെ ആദ്യത്തെ പ്രധാന പ്രഖ്യാപനവും യോഗത്തില് നടന്നു. ഫെഡറേഷന്റെ ആദ്യത്തെ അന്താരാഷ്ട്ര യോഗ ചാമ്പ്യന്ഷിപ്പ് 2026 ജൂണില് നടക്കും. ജൂണ് 21-ലെ വാര്ഷിക അന്താരാഷ്ട്ര യോഗ ദിനത്തോടനുബന്ധിച്ചാകും ടൂര്ണമെന്റ് നടക്കുക. ഇത് ലോകമെമ്പാടുമുള്ള കായികതാരങ്ങള്ക്ക് വലിയ വേദിയാവുകയും, ഈ കായിക ഇനത്തിന് ഒരു പുതിയ മത്സരാധിഷ്ഠിത മുഖം നല്കുകയും ചെയ്യും.
'ഇന്ന് നമ്മള് ലോകമെമ്പാടുമുള്ള യോഗയെ ഒരൊറ്റ കുടക്കീഴില് കൊണ്ടുവന്നിരിക്കുന്നു,' അല്-സബാഹ് പറഞ്ഞു. 'ഏഷ്യ, ആഫ്രിക്ക, യൂറോപ്പ്, അമേരിക്കകള്, ഓഷ്യാനിയ എന്നിവിടങ്ങളില്നിന്നുള്ള അംഗരാജ്യങ്ങള് ചേരുമ്പോള് ഞങ്ങള് യഥാര്ത്ഥത്തില് ഒരു ആഗോള കുടുംബമാണ്. സെക്രട്ടറി ജനറല് അല്വലീദ് അല്ഖൈദിനൊപ്പം 2026-ലെ ഉദ്ഘാടന ചാമ്പ്യന്ഷിപ്പിലേക്ക് ലോകത്തെ സ്വാഗതം ചെയ്യാന് കാത്തിരിക്കുന്നതായും അവര് പറഞ്ഞു.
Related News
