തായിഫ് : ജിദ്ദയിൽ നിന്ന് റിയാദിലേക്ക് പോകുകയായിരുന്ന ട്രൈലെറിൽ തായിഫിനടുത്ത സെയിൽ കബീറിൽ വെച്ച് മറ്റൊരു വാഹനം കൂട്ടിയിടിച്ച് അപകടത്തിൽ പെട്ട് മരണപ്പെട്ട ഉത്തർപ്രദേശ് മീററ്റ് സ്വദേശി അലി ഇർഷാദിന്റെ മൃതദേഹം തായിഫ് ഇബ്നു അബ്ബാസ് മസ്ജിദ് ഖബർസ്ഥാനിൽ മറവു ചെയ്തു. പത്തുവർഷമായി ഒരു ട്രാൻസ്പോർട്ട് കമ്പനിയിൽ ഡ്രൈവറായി ജോലി ചെയ്തു വരികയാണ് ഇദ്ദേഹം. മൂന്നുമാസം മുമ്പാണ് നാട്ടിൽ പോയി വന്നത്. ജിദ്ദയിൽ ജോലി ചെയ്യുന്ന മകൻ മുഹമ്മദ് ഫർഹാൻ അപകട വിവരമറിഞ്ഞ് തായിഫിലെത്തിയിരുന്നു. എംബസിയുമായി ബന്ധപ്പെട്ട കാര്യങ്ങൾക്കും നിയമ നടപടികൾ പൂർത്തിയാക്കാനും തായിഫ് കെഎംസിസി സെൻട്രൽ കമ്മിറ്റി പ്രസിഡണ്ടും സി.സി.ഡബ്ലിയു മെമ്പറുമായ നാലകത്ത് മുഹമ്മദ് സ്വാലിഹ് രംഗത്തുണ്ടായിരുന്നു.