യാമ്പു: ത്രിതല പഞ്ചായത്ത് തെരഞ്ഞെടുപ്പിന് മുന്നോടിയായി യാമ്പുവില് യു.ഡി.എഫ് തെരഞ്ഞെടുപ്പ് കണ്വെന്ഷന് സംഘടിപ്പിച്ചു. യാമ്പു കെ.എം.സി.സി സെന്ട്രല് കമ്മിറ്റി ഓഫീസ് ഓഡിറ്റോറിയത്തില് നടന്ന പരിപാടിയില് കെ.എം.സി.സിയുടെയും ഒ.ഐ.സി.സിയുടെയും നേതാക്കളും മീഡിയ പ്രതിനിധികളും ഇരു സംഘടനകളുടെ പ്രവര്ത്തകരും പങ്കെടുത്തു. ഒ.ഐ.സി.സി ജിദ്ദ റീജനല് കമ്മിറ്റി സെക്രട്ടറി അഷ്കര് വണ്ടൂര് പരിപാടി ഉദ്ഘാടനം ചെയ്തു. സംഘ് പരിവാറിന്റെ പരാജയം ഉറപ്പുവരുത്തുന്നതിനും കേരളത്തിലെ ഇടതു സര്ക്കാറിന്റെ ജനവിരുദ്ധ നയങ്ങള്ക്കെതിരെ വിധിയെഴുതുന്നതിനുമുള്ള അവസരമായി ത്രിതല പഞ്ചായത്ത് തെരഞ്ഞെടുപ്പിനെ ഉപയോഗപ്പെടുത്തണമെന്ന് അദ്ദേഹം പറഞ്ഞു. കെ.എം.സി.സി യാമ്പു സെന്ട്രല് കമ്മിറ്റി പ്രസിഡന്റ് നാസര് നടുവില് അധ്യക്ഷത വഹിച്ചു. ഓര്ഗനൈസിംഗ് സെക്രട്ടറി അബ്ദുല് കരീം പുഴക്കാട്ടിരി മുഖ്യ പ്രഭാഷണം നടത്തി.
ഒ.ഐ.സി.സി യാമ്പു ഏരിയ പ്രസിഡന്റ് സിദ്ധീഖുല് അക്ബര്, മീഡിയ പ്രവര്ത്തകരായ അനീസുദ്ദീന് ചെറുകുളമ്പ്, നിയാസ് യൂസുഫ് എന്നിവര് ആശംസകള് നേര്ന്ന് സംസാരിച്ചു. അയ്യൂബ് എടരിക്കോട്, ഷഫീഖ് മഞ്ചേരി, അബ്ദുറഹീം കരുവന്തിരുത്തി, യാസിര് കൊന്നോല, അഷ്റഫ് കല്ലില്, മുജീബ് പൂവച്ചല്, അബ്ദുറസാഖ് നമ്പ്രം, അബ്ദുന്നാസര് കുറുകത്താണി, സൈനുദ്ദീന് കുട്ടനാട്, അനീസ് വണ്ടൂര്, ഫര്ഹാന് മോങ്ങം, ശമീല് വണ്ടൂര്, അബ്ബാസലി പാറക്കണ്ണി, ഹര്ഷദ് പുളിക്കല്, ഫിറോസ് എന്നിവര് ചര്ച്ചയില് പങ്കെടുത്ത് സംസാരിച്ചു. സമുദായങ്ങളെ തമ്മിലടിപ്പിച്ച് രാഷ്ട്രീയ നേട്ടം ഉണ്ടാക്കുന്ന അപകടകരമായ സമീപനമാണ് ഇപ്പോള് ഇടതുപക്ഷം സ്വീകരിക്കുന്നതെന്നും സംഘപരിവാര് വിരുദ്ധ പ്രതിരോധത്തെ പിന്നില് നിന്ന് കുത്തി ദുര്ബലപ്പെടുത്താന് ശ്രമിച്ച് മുതലെടുക്കാന് ശ്രമിക്കുന്ന സര്ക്കാറിനെതിരെ പ്രതിരോധം തീര്ക്കാന് യോജിച്ച മുന്നേറ്റം അനിവാര്യമാണെന്നും യോഗത്തില് സംസാരിച്ചവര് അഭിപ്രായപ്പെട്ടു. കെ.എം.സി.സി യാമ്പു സെന്ട്രല് കമ്മിറ്റി സെക്രട്ടറി നിയാസ് പുത്തൂര് സ്വാഗതവും ട്രഷറര് അലിയാര് മണ്ണൂര് നന്ദിയും പറഞ്ഞു.
ഫോട്ടോ: യാമ്പുവില് സംഘടിപ്പിച്ച യു.ഡി.എഫ് തെരഞ്ഞെടുപ്പ് കണ്വെന്ഷനില് അബ്ദുല് കരീം പുഴക്കാട്ടിരി സംസാരിക്കുന്നു.
Related News
