പറവൂര്: പ്രവാസി വ്യവസായി സംഘടിപ്പിച്ച 54 ാമത് യു.എ.ഇ.ദേശീയ ദിനാഘോഷം ശ്രദ്ധേയമായി. 42 വര്ഷമായി അബുദാബിയില് ഫയര് ആന്റ് സേഫ്റ്റി രംഗത്ത് പ്രവര്ത്തിച്ചു വരുന്ന തത്തപ്പിളളി മാനടിയില് സജീവനാണ് ബന്ധുക്കളേയും നാട്ടുകാരേയും ക്ഷണിച്ച് വസതിയില് ദേശീയ ദിനാഘോഷം സംഘടിപ്പിച്ചത്. തന്റെ സ്ഥാപനമായ എവര് സേഫ് ഗ്രൂപ്പ് ഓഫ് കമ്പനീസിന്റെയും തത്തപ്പിളളി മാനടിയില് കുമാരന് ആന്റ് ജാനകി കുമാരന് ഫൗണ്ടേഷന്റേയും സംയുക്താഭിമുഖ്യത്തിലായിരുന്നു ആഘോഷങ്ങള്. വീടും പരിസരവും യു.എ.ഇ.പതാകകളാല് അലങ്കരിച്ചിരുന്നു. പ്രത്യേകം തയ്യാറാക്കിയ വേദിയില് സ്ഥാപിച്ച കൂറ്റന് ബാനറില് അന്നം തരുന്ന നാടിന് സ്നേഹാദരവ് എന്ന വാക്യം ശ്രദ്ധിക്കപ്പെട്ടു.
യു.എ.ഇയുടേയും ഇന്ത്യയുടേയും ദേശീയ ഗാനാലാപനത്തിന് ശേഷം മാനടിയില് സജീവും സഹധര്മ്മിണി സുമനയും മകള് ഡോ.ഐശ്വര്യ സജീവും ചേര്ന്ന് യു.എ.ഇ.യുടെ ദേശീയ പതാകയുടെ മാതൃകയില് തയ്യാറാക്കിയ കേക്ക് മുറിച്ചു. ജാതി മത ഭേദ വ്യത്യാസങ്ങളില്ലാതെ എല്ലാ മനുഷ്യരെയും ഒന്നായി കാണുന്ന യു.എ.ഇ.യുടെ സംസ്ക്കാരം ലോകത്തിന് മാതൃകയാണെന്നും ലക്ഷക്കണക്കിന് മലയാളി കുടുംബങ്ങളിലെ ദാരിദ്യം മാറ്റിയത് യു.എ.ഇയാണെന്നും മാനടിയില് സജീവന് പറഞ്ഞു. തുടര്ന്ന് വര്ണാഭമായ കരിമരുന്ന് പ്രയോഗവും ഉണ്ടായിരുന്നു. ആഘോഷത്തിന്റെ ഭാഗമായി രാവിലെ തത്തപ്പിളളി ഗവ.ഹൈസ്കൂളിലെ വിദ്യാര്ത്ഥികള്ക്ക് ലഡു വിതരണവും നടന്നു. ആഘോഷ പരിപാടികള്ക്ക് എം.എ.പ്രദീപ്, കെ.കെ.അബ്ദുള്ള, ദിനില് തത്തപ്പിളളി, ബിന്നി ടി.എസ്., ബിജു മാങ്കുഴി, ബിജു ചുള്ളിക്കാട്ട്, എ.കെ.നടേശന് തുടങ്ങിയവര് നേതൃത്വം നല്കി.
ഫോട്ടോ: തത്തപ്പിളളി മാനടിയില് കുമാരന് ആന്റ് ജാനകി കുമാരന് ഫൗണ്ടേഷന് സംഘടിപ്പിച്ച യു.എ.ഇയുടെ 54 ാം ദേശീയ ദിനാഘോഷ പരിപാടി ഫൗണ്ടേഷന് ചെയര്മാന് മാനടിയില് സജീവനും സെക്രട്ടറി സുമന സജീവും ചേര്ന്ന് കേക്ക് മുറിച്ച് ഉദ്ഘാടനം ചെയ്യുന്നു.
Related News
