ജിദ്ദ- നാളെ ബലദിലെ കള്ച്ചറല് സ്ക്വയറില് സമാരംഭിക്കുന്ന അഞ്ചാമത് റെഡ് സീ ഫിലിം ഫെസ്റ്റിവലിന്റെ മുഖ്യ ആകര്ഷണമായി ബോളിവുഡ് താരം ഐശ്വര്യറായി. രണ്ടര മുതല് മൂന്നര വരെയാണ് 'ഇന് കോണ്വര്സേഷന്' പരിപാടിയില് ഐശ്വര്യ പങ്കെടുക്കുക. ഇതിന്റെ ടിക്കറ്റുകള് പൂര്ണമായും വിറ്റുതീര്ന്നു.
'ഇന് കോണ്വര്സേഷന്' പരമ്പരയില് ഐശ്വര്യക്ക് പുറമെ, ഫെസ്റ്റിവലിലെ ഓപ്പണിംഗ് ചിത്രമായ 'ജയന്റ്'-ലെ താരമായ അമീര് എല് മസ്രി, ഓസ്കാര് നാമനിര്ദ്ദേശം നേടിയ 'ഫോര് ഡോട്ടേഴ്സ്'ന്റെ സംവിധായിക കൗതര് ബെന് ഹാനിയ (അവരുടെ 'ദി വോയിസ് ഓഫ് ഹിന്ദ് റജബ്' എന്ന ചിത്രം ഈ വര്ഷം പ്രത്യേക പ്രദര്ശനമായി അവതരിപ്പിക്കും), സൗദി നടന് യാക്കൂബ് അല്ഫര്ഹാന് (ചിത്രം: 'എ മാറ്റര് ഓഫ് ലൈഫ് ആന്ഡ് ഡെത്ത്'), ഈജിപ്ഷ്യന് താരം ലെബ്ലെബ എന്നിവരും പങ്കെടുക്കും. ലെബ്ലെബയുടെ ഏറ്റവും പുതിയ ചിത്രമായ 'വെഡ്ഡിംഗ് റിഹേഴ്സല്' ഇവിടെ പ്രദര്ശിപ്പിക്കും. 'നോറ', 'അല്ഗൈഡ്' എന്നീ ചിത്രങ്ങളിലെ താരമായ യാക്കൂബ് അല്ഫര്ഹാനും ഫെസ്റ്റിവലില് പങ്കെടുക്കും.
Related News
