ജിദ്ദ: റെഡ് സീ ഇന്റര്നാഷണല് ഫിലിം ഫെസ്റ്റിവല് 2025-ല് വിസ്മയിപ്പിക്കുന്ന ലുക്കുമായി ബോളിവുഡ് താരം ഐശ്വര്യ റായ് ബച്ചന്. പൊതുവേദികളില് അപൂര്വ്വമായി മാത്രം പ്രത്യക്ഷപ്പെടാറുള്ള താരം, ഫെസ്റ്റിവലിലെ പ്രസ് കോണ്ഫറന്സില് പങ്കെടുത്തതിന്റെ വീഡിയോകളും ചിത്രങ്ങളും ഇപ്പോള് സമൂഹ മാധ്യമങ്ങളില് തരംഗമായിരിക്കുകയാണ്.
കറുപ്പ് നിറത്തിലുള്ള ഗൗണ് അണിഞ്ഞ് അതീവ സുന്ദരിയായാണ് ഐശ്വര്യ വേദിയിലെത്തിയത്. വസ്ത്രത്തിന് ഇണങ്ങുന്ന എമറാള്ഡ് നെക്ലസും സ്മോക്കി ഐ മേക്കപ്പും താരത്തിന് രാജകീയ പ്രൗഢി നല്കി. മുടി അഴിച്ചിട്ട രീതിയിലുള്ള ഹെയര്സ്റ്റൈല് കൂടിയായപ്പോള് ആരാധകര് ആവേശത്തിലായി.
ഇന്ത്യയിലും വിദേശത്തും ഒരുപോലെ സ്വാധീനമുള്ള ഐശ്വര്യ, നീണ്ട ഇടവേളയ്ക്ക് ശേഷമാണ് ഇത്തരമൊരു അന്താരാഷ്ട്ര വേദിയില് പ്രത്യക്ഷപ്പെടുന്നത്. താരം പങ്കുവെച്ച പുതിയ ചിത്രങ്ങള്ക്ക് താഴെ ആരാധകരുടെ കമന്റുകളുടെ പ്രവാഹമാണ്. 'ലോകത്തിലെ ഏറ്റവും സുന്ദരിയായ സ്ത്രീ' എന്നാണ് ചിത്രങ്ങള്ക്ക് താഴെ ഒരു ആരാധകന് കുറിച്ചത്.
