ജിദ്ദ- മലപ്പുറം ജില്ലയിലെ തിരൂര് സ്വദേശികളുടെ കൂട്ടായ്മക്ക് ജിദ്ദയില് തുടക്കം. പരസ്പര ഐക്യവും സഹകരണവും ഊട്ടിയുറപ്പിക്കുക എന്ന ലക്ഷ്യത്തോടെ രൂപീകൃതമായ 'ജിദ്ദ തിരൂര് കൂട്ടായ്മ' യുടെ പ്രസിഡന്റ് മുഹമ്മദ് ഷെരീഫും ജനറല് സെക്രട്ടറി അഷ്റഫ് കുന്നത്തുമാണ്.
വാസു വെള്ളത്തേടത്ത് (പ്രേടണ്), അബ്ദുല് മജീദ് (അഡൈ്വസറി), മൊയ്തു വലിയകത്ത് (ട്രഷറര്), അബ്ദുല് ഗഫൂര്(വൈസ് പ്രസിഡന്റ്), അനീസ് കല്ലിങ്ങല് (ജോയിന്റ് സെക്രട്ടറി) എന്നിവരാണ് മറ്റ് ഭാരവാഹികള്. എക്സിക്യൂട്ടീവ് അംഗങ്ങളായി ഫാസില് കാഞ്ഞിക്കോത്ത്, ഡോ. ഫാറൂഖ് നൗഷാദ് കളത്തിങ്ങല്, സുഹൈല് ടി.കെ., റിയാസ് തിരൂര്, സജീവ് എന്നിവരെ തെരഞ്ഞെടുത്തു. ലക്കി ദര്ബാര് ഓഡിറ്റോറിയത്തില് നടന്ന ചടങ്ങില് ഗായകനും റിയാലിറ്റി ഷോ ജഡ്ജുമായ, തിരൂര് സ്വദേശി ഫിറോസ് ബാബു മുഖ്യാതിഥിയായി പങ്കെടുത്തു.
അംഗങ്ങള് തമ്മിലുള്ള ബന്ധവും ഏകോപനവും ശക്തിപ്പെടുത്തുക, ആരോഗ്യ പ്രശ്നങ്ങള്/അടിയന്തിര ചികിത്സാ ആവശ്യങ്ങള് വന്നാല് സമയബന്ധിത സഹായം, മരണാനന്തര സേവനങ്ങള് ക്രമബദ്ധമായി ഏകോപിപ്പിക്കല്, നിയമ/ഡോക്യുമെന്റേഷന് സംബന്ധമായ ബുദ്ധിമുട്ടുകളില് മാര്ഗ്ഗനിര്ദേശം, ചാരിറ്റി/സാമ്പത്തിക ആവശ്യങ്ങളില് സുതാര്യ സഹായം, ജോലി/കൗണ്സിലിംഗ് വഴി തൊഴില് സഹായം എന്നിവയാണ് കൂട്ടായ്മയുടെ പ്രധാന ലക്ഷ്യങ്ങള്.
Related News
