ജിദ്ദ: സിജി ജിദ്ദ വിമന്സ് കലക്റ്റിവ് (ജെ.സി.ഡബ്ല്യൂ.സി) യൂത്ത് വിങ്ങ് കുട്ടികള്ക്കായി സംഘടിപ്പിച്ച 'എക്സ്പ്ലോര് ടുമാറോ & ടുഡേ 'എന്ന പ്രോഗ്രാം ശ്രദ്ധേയമായി. എഡപട്ട് സി.ഇ.ഒ-യും ആര്ട്ടിഫിഷ്യല് ഇന്റലിജന്സ് വിദഗ്ധനുമായ ഉമര് അബ്ദുല്സലാം ഫ്യൂച്ചര് ടോക്ക് എന്ന പേരില് സംഘടിപ്പിച്ച ഇന്ട്രാക്ടീവ് പ്രോഗ്രാം
ആര്ട്ടിഫിഷ്യല് ഇന്റലിജന്സിനെ കുട്ടികള്ക്ക് വളരെ സരളമായും രസകരമായും പരിചയപ്പെടുത്തി. എ ഐ എന്ന നൂതന സാങ്കേതിക വിദ്യയെ ഏറ്റവും നല്ല രീതിയില് എങ്ങനെ ഉപയോഗിക്കാം എന്ന് വിശദീകരിച്ചു കൊടുത്തു. എ ഐ യുടെ വരുംകാല പ്രാധാന്യത്തെക്കുറിച്ച് കുട്ടികളുമായി സംവദിച്ചു. ഇതുമായി ബന്ധപ്പെട്ട് കുട്ടികള് ഉന്നയിച്ച സംശയങ്ങള്ക്ക് അദ്ദേഹം മറുപടി നല്കി.
അനം അബ്ദുസ്സലാമിന്റെ ഖിറാത്തോടെ തുടങ്ങിയ പരിപാടിയില് ജെ.സി.ഡബ്ലി.യു.സി ചെയര്പേഴ്സണ് റഫ്സീന അഷ്ഫാഖ് അധ്യക്ഷത വഹിച്ചു. അലീഫാ ബൈജു നന്ദി രേഖപ്പെടുത്തി. യൂത്ത് വിങ് കോഡിനേറ്റര് ദിയ സാദത്ത് പ്രോഗ്രാം അവതാരകയായിരുന്നു. ഷെസി വീഡിയോയും ഫോട്ടോഗ്രഫിയും നിര്വഹിച്ചു. സിജി ജിദ്ദ ലീഡേഴ്സ് , സിജി ഇന്റര്നാഷണല് ചെയര്മാന് അബ്ദുല് മജീദ് എന്നിവരുടെ സജീവ സാനിധ്യം കുട്ടികളില് കൂടുതല് ആവേശം ഉണ്ടാക്കി.
Related News
