ജിദ്ദ- റെഡ് സീ ഫിലിം ഫെസ്റ്റിവലില് സല്മാന് ഖാന്, ഇദ്രിസ് എല്ബ, എഡ്ഗര് റാമിറസ് എന്നിവര് ഒരേ ഫ്രെയിമില്!
സൂപ്പര് താരം സല്മാന് ഖാന് റെഡ് സീ ഫിലിം ഫെസ്റ്റിവലിലെ ഗാലാ ഡിന്നറില് ഹോളിവുഡ് ഐക്കണുകളായ ഇദ്രിസ് എല്ബ, എഡ്ഗര് റാമിറസ് എന്നിവരുമായി ഫ്രെയിം പങ്കിട്ടതോടെ നെറ്റിസന്സ് ആവേശക്കൊടുമുടിയിലായി.
ബുധനാഴ്ച നടന്ന ഫിലിം ഫെസ്റ്റിവലിന്റെ ഗോള്ഡന് ഗ്ലോബ്സ് ഗാലാ ഡിന്നറിലാണ് സല്മാന് പങ്കെടുത്തത്. ഫിലിം ഫെസ്റ്റിവലിന്റെ ഔദ്യോഗിക ഇന്സ്റ്റാഗ്രാം അക്കൗണ്ടില് ഡിന്നറില് നിന്നുള്ള നിരവധി ചിത്രങ്ങള് പങ്കുവെച്ചിട്ടുണ്ട്.
റെഡ് സീ ഫിലിം ഫെസ്റ്റിവലില് പങ്കെടുത്തതിനെക്കുറിച്ചും സല്മാന് ഖാന് റെഡ് കാര്പെറ്റില് സംസാരിച്ചു. സോഷ്യല് മീഡിയയില് പ്രചരിക്കുന്ന വീഡിയോയില് സല്മാന് പറയുന്നതിങ്ങനെ: 'ഇവിടെ എനിക്കിഷ്ടമാണ്. എനിക്ക് സൗദി ഇഷ്ടമാണ്. ഇവിടുത്തെ ധാരാളം ആളുകള് സംസ്കാരത്തെ ഇഷ്ടപ്പെടുന്നു. ഇത് മനോഹരമാണ്. ഞാന് ഇപ്പോള് ഇടയ്ക്കിടെ ഇവിടെ വരാറുണ്ട്. അത് നല്ലതാണ്.'
ആലിയ ഭട്ടിനെ ഫിലിം ഫെസ്റ്റിവലില് ആദരിച്ചതിനെക്കുറിച്ചും അദ്ദേഹം സംസാരിച്ചു: 'അതെ, ആലിയ ഭട്ട്. സൗദിക്ക് മാത്രമേ ഇത് ചെയ്യാന് കഴിയൂ എന്ന് ഞാന് കരുതുന്നു. ഇത് അവിശ്വസനീയമാണ്. അവര് വളരെ വേഗത്തില് മുന്നോട്ട് പോകുന്നു. ഇത് നല്ല കാര്യമാണ്. അവര് അവരുടെ മികച്ചതിനെയും നമ്മുടെ സംസ്കാരത്തെയും ഒരുമിച്ച് കൊണ്ടുവരുന്നത് എനിക്കിഷ്ടമാണ്.'
Related News
