റിയാദ്: സൗദിയുടെ വിവിധ ഭാഗങ്ങളില് മഴ തുടരുന്നു. റിയാദിലും, കിഴക്കന് പ്രവിശ്യകളിലെ വിവിധ ഇടങ്ങളിലും ഇന്ന് റെഡ് അലര്ട്ട് പ്രഖ്യാപിച്ചു. വടക്കുപടിഞ്ഞാറന് പ്രദേശങ്ങളില് മഴ കുറഞ്ഞിട്ടുണ്ട്.
സൗദിയുടെ വടക്കുപടിഞ്ഞാറന് മേഖലകളില് ഉണ്ടായ വ്യാപക മഴക്കുശേഷമാണ് ഇപ്പോള് കിഴക്ക് ഭാഗത്തും മഴ ശക്തമാകുന്നത്. അല് മജ്മഅ, ഷെക്രഅ തുടങ്ങി റിയാദിന്റെ വിവിധ ഭാഗങ്ങളിലാണ് ശക്തമായ മഴയെത്തുക. ദമ്മാം, കോബാര്, ജുബൈല്, ഹഫര് അല് ബാത്തിന് തുടങ്ങി കിഴക്കന് പ്രവിശ്യകളിലും ഇന്നലെ രാത്രി മുതല് റെഡ് അലര്ട്ട് നിലവിലുണ്ട്. അല് ഖസിമിലെ വിവിധ ഇടങ്ങളിലും മഴ പെയ്്തു.
മക്കയുടെ ഉയര്ന്ന പ്രദേശങ്ങളിലും തെക്കന് അതിര്ത്തി പ്രദേശങ്ങളിലും നേരിയ തോതില് മഴയുണ്ട്. സൗദിയില് മഴയ്ക്കു പിന്നാലെ തണുപ്പും വര്ധിച്ചു. തുറൈഫില് ഇന്ന് രേഖപ്പെടുത്തിയ ഏറ്റവും കുറഞ്ഞ താപനില രണ്ട് ഡിഗ്രിയാണ്. തബൂക്ക്, ഹായില്, സകാക്ക എന്നിവിടങ്ങളിലും തണുപ്പ് വര്ധിച്ചിട്ടുണ്ട്. ജിദ്ദ, ജിസാന് എന്നിവിടങ്ങളില് ഉണ്ടായ മഴ കനത്ത നാശമാണ് വിതച്ചത്.
Related News
