റിയാദ് നഗരത്തിലെ യാത്രാസൗകര്യങ്ങള് വിപ്ലവകരമായി മെച്ചപ്പെടുത്തുന്നതിന്റെ ഭാഗമായി 50-ല് അധികം പുതിയ പാര്ക്കിങ് പദ്ധതികള്ക്ക് സൗദി അറേബ്യ തുടക്കം കുറിച്ചു. സ്വകാര്യ മേഖലയുടെ സഹകരണത്തോടെയായിരിക്കും ഈ പദ്ധതികള് നടപ്പാക്കുക.
ആശുപത്രികള്, പ്രധാന മെട്രോ സ്റ്റേഷനുകള്, തിരക്കേറിയ ഷോപ്പിങ് സെന്ററുകള് തുടങ്ങിയ പൊതു ഇടങ്ങള് കേന്ദ്രീകരിച്ചായിരിക്കും പുതിയ പാര്ക്കിങ് സൗകര്യങ്ങള് ഒരുക്കുന്നത്. മൊത്തം 2 ലക്ഷം ചതുരശ്ര മീറ്റര് വിസ്തൃതിയിലാണ് വിവിധ ഇടങ്ങളിലായി പാര്ക്കിങ് ഏരിയകള് സജ്ജമാക്കുക.
പാര്ക്കിങ് സൗകര്യങ്ങള് മെച്ചപ്പെടുത്തുന്നതോടൊപ്പം വാഹനങ്ങള്ക്ക് സുരക്ഷിത പാര്ക്കിങ് ഉറപ്പാക്കുകയും നഗരത്തിലെ ജീവിത നിലവാരം ഉയര്ത്തുകയുമാണ് ലക്ഷ്യം.
റിയാദ് മുനിസിപ്പാലിറ്റിയുടെ വികസന വിഭാഗമായ റിമാത് റിയാദ് ഡെവലപ്മെന്റ് കമ്പനിയാണ് ഈ ബൃഹത്തായ പദ്ധതിക്ക് മേല്നോട്ടം വഹിക്കുന്നത്. തലസ്ഥാന നഗരിയെ ലോകോത്തര നിലവാരത്തിലേക്ക് ഉയര്ത്തുന്ന വിഷന് 2030 ലക്ഷ്യങ്ങളുടെ ഭാഗമായാണ് ഈ സുപ്രധാന നീക്കം.
Related News
