യാമ്പു: കേരളത്തിലെ തദ്ദേശ തെരഞ്ഞെടുപ്പില് യു.ഡി.എഫിന്റെ ചരിത്രവിജയം ആഘോഷിച്ച് യാമ്പു യു.ഡി.എഫ് കമ്മിറ്റി പരിപാടി സംഘടിപ്പിച്ചു. യാമ്പു ടൗണ് റെയിന്ബോ ബസാര് പരിസര പ്രദേശത്ത് സംഘടിപ്പിച്ച പരിപാടി ഒ.ഐ.സി.സി ഇന്കാസ് ഗ്ലോബല് സെക്രട്ടറി ശങ്കര് എളങ്കൂര്, കെ.എം.സി.സി യാമ്പു സെന്ട്രല് കമ്മിറ്റി ചെയര്മാന് അയ്യൂബ് എടരിക്കോട്, ജനറല് സെക്രട്ടറി നിയാസ് പുത്തൂര് എന്നിവര് 'യു.ഡി.എഫ് വിജയാഘോഷം യാമ്പു' എന്നെഴുതിയ കേക്ക് മുറിച്ച് ഉദ്ഘാടനം ചെയ്തു.
കെ.എം.സി.സി യാമ്പു സെന്ട്രല് കമ്മിറ്റി ഓര്ഗനൈസിങ് സെക്രട്ടറി അബ്ദുല് കരീം പുഴക്കാട്ടിരി, ശങ്കര് എളങ്കൂര്, ജിദ്ദ റീജനല് കമ്മിറ്റി സെക്രട്ടറി അഷ്കര് വണ്ടൂര് എന്നിവര് സംസാരിച്ചു. ഇടതുപക്ഷം സ്വീകരിച്ച വര്ഗീയ ധ്രുവീകരണ ശ്രമങ്ങള്ക്കെതിരെ മതേതര ജനാധിപത്യ സമൂഹം പ്രതികരിച്ചതിന്റെ പ്രതിഫലനമാണ് തെരഞ്ഞെടുപ്പ് ഫലമെന്നും ഭരണകൂടം നെറികേടുകള് ചെയ്തപ്പോള് അതിനെതിരെ ജനങ്ങള് നല്കിയ ശക്തമായ താക്കീതാണ് യു.ഡി.എഫിന്റെ വന് വിജയമെന്നും പരിപാടിയില് സംസാരിച്ചവര് അഭിപ്രായപ്പെട്ടു. അബ്ദുറഹീം കരുവന്തിരുത്തി, ഷഫീഖ് മഞ്ചേരി, അര്ഷദ് പുളിക്കല്, ഫസല് മമ്പാട്, അലിയാര് മണ്ണൂര്, അബ്ദുറസാഖ് നമ്പ്രം, അബ്ദുന്നാസര് കുറുകത്താണി, മന്സൂര് ഒഴുകൂര്, ഹനീഫ തോട്ടത്തില്, അഷ്റഫ് കല്ലില്, ബഷീര് താനൂര് തുടങ്ങിയവര് പരിപാടിക്ക് നേതൃത്വം നല്കി. ആഘോഷ പരിപാടിയില് പങ്കെടുത്ത എല്ലാവര്ക്കും പായസവും കേക്കും വിതരണം ചെയ്തു.
ഫോട്ടോ: തദ്ദേശ തെരഞ്ഞെടുപ്പിലെ യു.ഡി.എഫ് വിജയം യാമ്പു യു.ഡി.എഫ് കമ്മിറ്റി ആഘോഷിച്ചപ്പോള്.
Related News
