ദോഹ: ഖത്തര് ദേശീയ ദിനാഘോഷങ്ങളുടെ (ഡിസംബര് 18) ഭാഗമായി എം ഇ എസ് ഇന്ത്യന് സ്കൂള് 7,700 വിദ്യാര്ത്ഥികളുടെ പങ്കാളിത്തത്തോടെ മനുഷ്യ ഖത്തര് പതാക സൃഷ്ടിച്ച് ദേശീയാഘോഷം സംഘടിപ്പിച്ചു. വിദ്യാര്ത്ഥികള് കൃത്യമായ നിരകളില് അണിനിരന്നാണ് മെറൂണ്- വെള്ള നിറങ്ങളിലുള്ള ഖത്തര് പതാക പുനഃസൃഷ്ടിച്ചത്. രാജ്യത്തോടുള്ള വിശ്വസ്തതയും അഭിമാനവും ദേശീയ ഐക്യബോധവും പ്രകടിപ്പിക്കുന്ന മനോഹര ദൃശ്യാവിഷ്കാരമായിരുന്നു ഇത്.
പൗരത്വ മൂല്യങ്ങളും ദേശീയ തിരിച്ചറിയലും വിദ്യാര്ത്ഥികളില് വളര്ത്തുന്നതിനുള്ള സ്കൂളിന്റെ പ്രതിബദ്ധതയാണ് ഈ പരിപാടിയിലൂടെ പ്രകടമായതെന്ന് സ്കൂള് അധികൃതര് അറിയിച്ചു. ഖത്തര് ദേശീയ ദിനം രാജ്യത്തോടൊപ്പം ആഘോഷിക്കുന്നതിലുള്ള ഇന്ത്യന് സമൂഹത്തിന്റെ ഐക്യവും സന്തോഷവും ഇതിലൂടെ പ്രതിഫലിക്കുന്നതായും അവര് വ്യക്തമാക്കി.
Related News
