ജിസാന്: ജീവ കാരുണ്യ സാമൂഹ്യ സേവന രംഗത്ത് മൂന്നു പതിറ്റാണ്ടിലേറെയായി ജിസാനിലെ പ്രവാസികള്ക്കിടയില് പ്രവര്ത്തിച്ചു കൊണ്ടിരിക്കുന്ന കെഎംസിസി ജിസാന് സെന്ട്രല് കമ്മറ്റി സംഘടിപ്പിക്കുന്ന മെഗാ ഫാമിലി ഇവന്റ് നാളെ (വ്യാഴ്ം) വൈകീട്ട് 4നു തുടക്കം കുറിക്കും. ജിദ്ദ ഇന്ത്യന് കോണ്സല് ജനറല് ഫഹദ് അഹമ്മദ് ഖാന് സൂരി ഉദ്ഘാടനം നിര്വഹിക്കും. ഹത്തീന് സ്പോര്ട്സ് ക്ലബ്ബ് വൈസ് ചെയര്മാന് അഹ്മദ് ബിന് ഹസ്സന് അസ്സഹലി മുഖ്യാതിഥിയായിരിക്കും.
മെഗാ ഇവന്റിന്റെ ഭാഗമായി പാചക മത്സരം, മെഹന്തി മത്സരം കുട്ടികള്ക്കായി വിവിധകലാ കായിക മത്സരങ്ങള്, ഒപ്പന, കോല്ക്കളി, ഗ്രൂപ്പ് ഡാന്സ് എന്നിവ ഉണ്ടാകുമെന്ന് സംഘാടകര് അറിയിച്ചു. പ്രവേശനം സൗജന്യാമാണ്.
സുപ്രസിദ്ധ ഗായകന് സലീം കോടത്തൂരും സംഘവും നയിക്കുന്ന ഇശല് നെറ്റും പരിപാടിയുടെ ഭാഗമായി അരങ്ങേറും. മെഗാ ഈവെന്റിന്റെ ഭാഗമായി നടത്തിയ ഓണ്ലൈന് മാപ്പിള പാട്ടു മത്സരത്തില് നിരവധി കുട്ടികള് മാറ്റുരച്ചു. മത്സരസത്തില് മുഹമ്മദ് നജിഹ്, അസ്മ മന്സൂര്, ആസിയ മന്സൂര് എന്നിവര് ആദ്യ മൂന്ന് സ്ഥാനങ്ങള് കരസ്ഥമാക്കി.
Related News
