അല് ബഹ: രിസാല സ്റ്റഡി സര്ക്കിള് കലാലയം സാംസ്കാരിക വേദി സംഘടിപ്പിച്ച പതിനഞ്ചാമത് അല് ബഹ പ്രവാസി സാഹിത്യോത്സവ് സമാപിച്ചു. മൂന്ന് സെക്ടറുകളില് നിന്നായി നിരവധി മത്സരാര്ത്ഥികള് പങ്കെടുത്തു. ബഹ സെക്ടര് 65 പോയന്റ് നേടി ഒന്നാം സ്ഥാനവും നാല്പത്തി അഞ്ച് പോയന്റ് നേടി ബല്ജൂര്ഷി സെക്ടര് രണ്ടാം സ്ഥാനവും തിഹാമ സെക്ടര് 39 പോയിന്റ് നേടി മൂന്നാം സ്ഥാനവും കരസ്ഥമാക്കി.
കലാ പ്രതിഭയായി ബഹ സെക്ടറിലെ ഫാത്തിമ സനയും സര്ഗ പ്രതിഭയായി ഷെസയെയും തെരഞ്ഞെടുത്തു.
സമാപന സമ്മേളനം ബഷീര് നൂറാനി ഉദ്ഘാടനം ചെയ്തു. സന്ദേശ പ്രഭാഷണം മന്സൂര് ചുണ്ടമ്പറ്റയും നിര്വഹിച്ചു. അന്സാര് സംസ കൊടുങ്ങല്ലൂര്, അനീസ് ചെമ്മാട്, ഫൈറൂസ് വെള്ളില, ഇര്ഷാദ് കടമ്പോട്, മജീദ് അകീക്, അബ്ദുല്ല മംഗലാപുരം, സിദ്ദീഖ് ബല്ജൂര്ഷി റഫീഖ് മേല്മുറി എന്നിവര് സംസാരിച്ചു. ഷറഫുദ്ദീന് സൈനി സ്വാഗതവും ഇല്യാസ് ചെട്ടിപ്പടി നന്ദിയും പറഞ്ഞു.
Related News
