ജിദ്ദ: ഒരു തെരഞ്ഞെടുപ്പ് ആക്ഷേപ ഹാസ്യഗാനത്തില് പോലും വര്ഗീയത തെരയുന്ന പാര്ട്ടിയായി സിപിഎം മാറിയെന്ന് സൗദി കെഎംസിസി സൗദി നാഷണല് സെക്രട്ടറി നാസര് എടവനക്കാട് അഭിപ്രായപ്പെട്ടു. ആവിഷ്ക്കാര സ്വാതന്ത്ര്യത്തിന്റെ അപ്പോസ്തലന്മാര് ഒരു പാട്ടിനെ ഭയക്കുന്ന രാഷ്ട്രീയ സാഹചര്യം നാണക്കേടാണെന്ന് അദ്ദേഹം പറഞ്ഞു. ജിദ്ദ എറണാകുളം ജില്ലാ കെഎംസിസിയുടെ ലോക്കല് ബോഡി തെരഞ്ഞെടുപ്പ് വിജയാഘോഷം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പഞ്ചായത്ത് തെരഞ്ഞെടുപ്പില് യുഡിഫ് വന് മുന്നേറ്റം ഉണ്ടാക്കി തെരഞ്ഞെടുപ്പില് വിജയിച്ച മുഴുവന് അംഗങ്ങളെയും യോഗം അഭിനന്ദിച്ചു. സിയാദ് ചെളിക്കണ്ടത്തില് മുവ്വാറ്റുപുഴ ആധ്യക്ഷത വഹിച്ചു. അനസ് അരിമ്പ്രശ്ശേരി, ശാഹുല് പേഴക്കാപ്പിള്ളി, ശാഫി ചൊവ്വര, അഡ്വ. ഷിയാസ് കവല, ഹംസ അറക്കല്, ഫൈസല് പല്ലാരിമംഗലം, ആഷിക് കോതമംഗലം, മുഹമ്മദ് അറക്കല്, സക്കരിയ മോളയില്, മുഹമ്മദ് ഷാ തേങ്കോട് എന്നവര് സംസാരിച്ചു. ജാബിര് മടിയൂര് സ്വാഗതവും കലാം എടയാര് നന്ദിയും പറഞ്ഞു.
ഫോട്ടോ: ജിദ്ദ എറണാകുളം ജില്ല കമ്മിറ്റിയുടെ തെരഞ്ഞെടുപ്പ് ആഘോഷ പരിപാടിയില് സൗദി കെഎംസിസി നാഷണല് സെക്രട്ടറി നാസര് എടവനക്കാട് കേക്ക് മുറിക്കുന്നു.
Related News
